Alto For Two + Niño Josele IX JazzEñe

Alto For Two

Irene Reig i Romero (saxo altua), Giuseppe Campisi (baxua), Xavier Torres (pianoa), Marc Ayza (bateria), Kika Sprangers (saxo altua)

Alto For Two proiektua lideratzen Europako saxofonista gazte berritzaile eta ondoen prestatutako bi daude, Kika Sprangers eta Irene Reig. Sorkuntza propioez osatutako errepertorio zabal bat dute. Hala, bi artistek musikaren arloan jaso dituzten ezagutzak batu izanak proposamen eklektiko eta bereizgarri bat ekarri du emaitza gisa, boskote formatuan sonoritate joriak eskaintzen dituena. Laster argitaratuko dute lehenengo diskoa, errepertorio original berri batez osatua eta taldearen noranzko artistikoa eta eboluzioa erakutsiko dituena.

Niño Josele

Niño Josele (gitarra flamenkoa), José Heredia (pianoa, sintetizadorea), Dany Noel (baxu elektrikoa), Miguel Lamas (bateria), Manu Masaedo (perkusioa)

Juan José "Niño Josele" Heredia gitarrista Josele flamenko kantariaren seme eta Almeríako flamenko instrumentista eta kantarien dinastia luze bateko oinordekoa da. 1990eko hamarkadaren erdialdean hasi zen nabarmentzen, Sevillako Flamenko Bienaleko Interprete Gazteen Lehiaketa irabazi zuenean, 1996an. Herrialde, festibal eta topaketa ugaritan jo du, eremu orotako musikariekin batera, flamenkoetatik hasi -Paco de Lucía, Montse Cortés, Duquende, Remedios Amaya, Pepe de Lucía, Enrique Morente eta el Cigala besteak beste- eta nazioartean ospea zabaldua duten interpreteetaraino -Andrés Calamaro, Joan Manuel Serrat, Lenny Kravitz, Alicia Keys eta Elton John, besteak beste-. Bere proiekzio internazionala bereziki nabaria izan da 2010eko Grammy Latinoen sarietara hautatua izan zenetik Española (2009) diskoagatik, eta berriro hautatu zuten 2012an El mar de mi ventana diskoagatik. Hamar bat disko argitaratu ditu, azkena, Galaxias (2022).