Cómo crear las ilustraciones de un cuento Aitziber Alonso

Ikastaro honetan ipuin baterako ilustrazioak sortzeko prozesua azalduko da: ilustratzaileak testua jasotzen duen unetik, zirriborroetara eta azken ilustrazioetara. Pertsonaiak zirriborroen bidez landuko dira: nolakoak diren fisikoki edo nola koka daitezkeen hainbat egoeratan.

Programa

• Hasteko Aitziber Alonsok album ilustratuei buruz hitz egingo du ikasleekin. Album batzuk erakutsiko dizkie, estilo ezberdinetakoak, eta horien sortze prozesua nolakoa den azalduko die: ilustratzaileak testua jasotzen duen momentutik abiatuta, zirriborroak egin eta marrazkiak bukatu arte.
• Ondoren, zirriborroen bidez, pertsonaiak landuko dituzte: nolakoak diren fisikoki.
• Gero paisaiak landuko dituzte. Paisaiak nola marraztu erakutsi ostean, pertsonaiak nola kokatu azalduko die.
• Parte-hartzaile bakoitzak gustuko duen liburu baten pasarte bat ekarriko du. Pasarte hori haur literaturako obra batena edo helduen literaturako obra batena izan daiteke.
• Testua orrialdeka banatu ondoren, esaten duena aztertzen hasiko dira ilustratu ahal izateko.
• Testua irudikatzeko, ilustrazioak egin eta horiek margotzeari ekingo diote ikasleek. Beti ere, koloreen eta testuren koherentzia bat bilatuz.