IA y música (Avanzado) Flavio Bánterla

Adimen artifiziala musika egiteko tresna gisa erabiltzen ikasteko ikastaroa.

Deskribapena
Adimen artifizialak aukera berriak ireki ditu maila guztietako musikari, ekoizle eta sortzaileentzat. Lau saiotan zehar, ingurune profesionaleko ohiko DAWekin eta musika-sorreran, audioan, MIDIn, analisian eta laguntza sortzailean aplikatutako adimen artifizialeko tresnekin lan egingo da.
Lan praktikoa eta proiektu bakoitzaren jarraipen indibiduala egingo dira. Proiektuek honako eremu hauek har ditzakete barne: konposizioa eta musika-ekoizpena, soinu-diseinua, tresnen edo sistema sortzaileen sorkuntza, zuzeneko hibridoak, soinu-bandak, soinu-instalazioak edo IArekin pertsonalizatutako lan-fluxuak.
Tresnak helburu bakoitzaren arabera aukeratuko dira, betiere lehentasuna emanez dauden sormen-prozesuetan benetako integrazioari eta adierazpen artistikoaren euskarri gisa erabiltzeari.

Programa
● Ikastaroa laguntza pertsonalizatu gisa garatuko da: irakaslea proiektu eta profil bakoitzera egokituko da, helburuak, sormen-testuingurua eta maila teknikoa aztertuz, adimen artifizialaren erabilera kontziente eta eraginkorra gidatzeko.
Prozesua gainbegiratuko du, tresna eta ikuspegi zehatzak proposatuko ditu, erabaki sortzaile eta teknikoak askatzen lagunduko du, eta proiektu bakoitza emaitza zehatz eta eskuragarrietara bideratuko du.

Ikasleak eraman beharreko materiala
Apunteak hartzeko koadernoa eta boligrafoa.

Gomendatutako materialak (aukerakoa)
Saio praktikoak ahalik eta gehien aprobetxatzeko, audioa grabatzeko eta editatzeko programa instalatuta duen ordenagailu eramangarri bat ekartzea gomendatzen da (DAW, ingelesezko sigletan). Gehien komeni zaizun edo ezagutzen duzun softwarea erabil dezakezu, hala nola Ableton Live, Studio One, Logic Pro, FL Studio, Reaper edo antzeko beste batzuk. Ez da ezinbestekoa ikastaroa jarraitzeko, baina aurkeztutako ideia eta tresna batzuekin esperimentazio zuzena erraztuko du.

Oharra: Edozein zalantza argitzeko Helbide elektroniko hau spambot-etatik babestuta dago. JavaScript gaituta izan behar duzu ikusi ahal izateko. helbidera zuzendu zaitezke (gaian kurtsoaren izena jarri).