Hizkuntzak
Thamessis
Konpartsa auzoko talde batek eratu zuen 1990. urtean. Aurrekonturik ez zegoelako festak egin ezin zirenez, konpartsa bat osatzea erabaki zuten, eta Bidebietako festen izen bera jarri zioten (Txurrutero).
- 125 parte-hartzaile
- Konpartsaren gaia
Un as en la manga - Konpartsaren kategoria:
Handia
Lehen aldiz 1991an desfilatu genuen; entseguak saskibaloi-kantxan egiten genituen. Urte horretan raperoz jantzita irten ginen 34 lagun. Guztiontzako esperientzia bikaina izan zen eta bertan hasi zen konpartsa txiki gisa gure ibilbidea.
Bigarren urtean, auzoko jendea animatzen hasi zen eta kideen kopuruak gora egin zuen konpartsa handi bat izatera helduz eta horrela izaten jarraitzen dugu gaur egun.
1992-93an, konpartsari izena aldatzea eta aurrekoarekin zer ikusirik izango ez zuen bat jartzea erabaki genuen. Horrela, beste hainbaten artean, Thamessis izena proposatu ondoren hauxe aukeratu genuen.
Palmaresa
- 2000 - Konpartsa Handiak - 1. Saria
- 2002 - Inauterietako Sari Nagusia
- 2005 - Inauterietako Sari Nagusia
- 2008 - Konpartsa Handien Karrozak - 1. Saria
Historia
Eta urtez urte hainbat gai hartu genituen mozorrotzeko: Egipto, espazioa, beldurra, futurista, trogloditak guk geuk landutako eta ondutako benetako larruekin. Garai bateko pelikulez ere mozorrotu ginen, konpartsarentzako urte zail batean; izan ere, urte horretan musika-ekipoak bi asteburuetan hondatu ziren. Gertakari horrek Xabi eta Josema ezagutzeko aukera eman zigun. Hauek oso pertsona garrantzitsuak izan dira gure konpartsarentzat.
Thamessis konpartsa Donostiako kaleetan desfilatzen (2022. urtea).
Thamessis konpartsako haurrak (2022. urtea).
Mozorroen dantzaz, Erdi Aroko mozorroz eta dantzaren sektaz jantzita ere irten gara, jainkoekin dantzatzen, etnia basatiz, marinelez, espazioko kidez, mundu arabiarrez, manga-marrazkietako pertsonaiez, gangsterrez, Excaliburrez, Michael Jackson omenduz, kortsarioz, bukaneroz eta filibusteroz, hiriko tribuz, Pressing Catch-eko borrokalariz eta berserker-bikingoz mozorrotu gara. 2015ean, konpartsaren 25. urteurrena bete zenean, munduko inauterien gaia aukeratu genuen, Tenerife, Brasil, Kuba,Uruguay, Barranquilla eta Veneziako eta Holly-ren festako arropak jantzi genituen. 25. urteurren oso koloretsua izan zen, luma askorekin, koreografia landuekin eta, beti bezala, mota eta adin guztietako pertsonekin, aspaldikoekin, beteranoekin eta hain beterano ez zirenekin, baita jende berriarekin ere. Hauek, normalean, urtero errepikatzen dute.
Urtez urte aurrera egiteko borrokan jarraitu dugu, sortzen diren arazo guztiak gaindituz, hobetuz eta jendeari gure ustez gehien gustatzen zaiona emanez, dantza alegia. Thamessisen, 30 urte hauetan, mota guztietako pertsonek hartu dute parte, helburu batekin: elkarrekin lan egitea, dantzatzea eta laguntzea.
Urtez urte aurrera egiteko borrokan jarraitu dugu, sortzen diren arazo guztiak gaindituz, hobetuz eta jendeari gure ustez gehien gustatzen zaiona emanez, dantza alegia. Thamessisen, 30 urte hauetan, mota guztietako pertsonek hartu dute parte, helburu batekin: elkarrekin lan egitea, dantzatzea eta laguntzea.
Actuación de la Comparsa Thamessis en la calle.
Thamessis konpartsaren emanaldia kalean.
