Eureka

2001. urtean auzoan festa bat egiteko ideia sortu zen. Guztia behi zoroz mozorrotuta kaleetan barrena egindako ibilbide txiki batekin hasi zen: maindire bat, bi jostura eta orban beltzak, latexko eskularru bat errapeen moduan eta spraiz koloreztatutako deabru-adar batzuk. Horrela sortu zen inauterietako lehen konpartsa, 15 kiderekin besterik ez.

Palmaresa

• 2010 - Inauterietako Sari Nagusia
• 2011 - Inauterietako Sari Nagusia
• 2012 - Inauterietako Sari Nagusia (Ex-Aequo Trumoiak konpartsarekin)
• 2014 - 1º Premio Comparsas Grandes
• 2015 - Inauterietako Sari Nagusia (Ex-Aequo Intxaur-Txiki konpartsarekin)
• 2016 - Konpartsa Handiak - 1. Saria / Konpartsa Handien Karrozak - 1. Saria
• 2017 - Konpartsa Handiak - 1. Saria / Konpartsa Handien Karrozak - 1. Saria
• 2018 - Inauterietako Sari Nagusia
• 2019 - Inauterietako Sari Nagusia
• 2020 - Inauterietako Sari Nagusia / Inauterietako Jantzien Diseinuen Saria
• 2022 - Inauterietako Sari Nagusia / Inauterietako Jantzien Diseinuen Saria (Ex-Aequo Intxaur-Txiki konpartsarekin)
• 2023 - Inauterietako Sari Nagusia
• 2024 - Inauterietako Sari Nagusia / Inauterietako Jantzien Diseinuen Saria

Historia

Hurrengo urtean haratago joan ziren eta 30 konpartsakidek Errenteriako inauterietan desfilatu zuten "Aingeruak eta Deabruak" gaia antzeztuz. Hurrengo urtean "Basoko alegia" antzeztu zuten. Urte horretan Biarritzeko inauterietan ere hartu zuten parte 50 konpartsakiderekin. 2004an Donostiako inauterietan parte hartzea erabaki zuten gonbidatu gisa. Igande arratsaldeko desfilean bakarrik hartu zuten parte. Urte batzuk itxaron zuten ordura arte behar bezala prestatuta ez zeudela pentsatzen zutelako. Horregatik, lehen urtean gonbidatu gisa hartu zuten parte "Ilargiko jainkoak" gaiarekin eta 64 konpartsakiderekin. Hondarribian, Trintxerpen eta Altzan ere irten ziren. Ordurako kontua serioa zen eta inauterietarako beraien zaletasuna gero eta handiagoa zen. 2005. urtean gaia "4 Elementu" izan zen. 70 konpartsakide bildu ziren eta Donostiako karrozen eta konpartsen lehiaketan parte hartu zuten. Gainera, Errenterian, Altzan eta Trintxerpen ere desfilatu zuten. 2006an "Magia Zuria eta Magia Beltza" gaia aukeratu zuten 2007an "Tribu Nomadak" gaia aukeratu zuten eta konpartsak 105 kide izan zituen. 2008an "Eskimalak" gaiarekin 125 konpartsakide irten ziren kaleetara.

Iraultza eta ezustekoa 2009an heldu zen "Moulin Rouge" gaiarekin. 150 kidez osatutako konpartsaren ikuskizunak kaleak koreografiaz, musikaz eta dantzez bete zituen. Urte horretan izugarri gozatu ondoren, hurrengo urtean "Disney printzesak" gaia aukeratu zuten, Inauterietako Sari Nagusia lehen aldiz eskuratuz. Urte askotako lanaren saria izan zen.

2011ko "40ko hamarkadako itsas-bidaian" 180 konpartsakidek hartu zuten parte hainbat taldetan banatuta: bidaiariak, pin-up, zerbitzua eta marinelak. Bigarren urtez jarraian Inauterietako Sari Nagusi bat eskuratu zuten. Jarraian lortzen zuten bigarren sari hori jasotzeko unea benetan gogoangarria izan zen! Hurrengo urtean, 2012an, "Kasinoa Las Vegasen" ikuskizuna sortu zuten eta 230 konpartsakidek hartu zuten parte: Vedetteek, zortearen bufoiek, Elvisek eta Marylinek, eta karta-sortako taldeek kaleak bete zituzten Las Vegasko musika-doinuekin. Hirugarren urtez jarraian Inauterietako Sari Nagusia eskuratu zuten —oraingoan TRUMOIAK taldeko lagunekin partekatua—. Behin bi ezkero, hirugarrena ia seguru, eta lortu zuten.

2013. urtean "Afro ospakizuna" festa: ileordeak, brillantinak eta festa. Euriaren ondorioz brillantina-malkoko urtea, baina horrek ez zieten kikildu. Hurrengo asteburuan dantzatzen jarraitu zuten eguzki distiratsuarekin. 2014. urtean "Bilauen hiria".

2015ean "Bollybood" aukeratu zuten, proposamen zehatza eta dotorea. 210 parte-hartzaileei esker Indiaren dotoretasuna erakutsi ahal izan zuten hiriko kaleetan. 2015eko Inauterietako Sari Nagusi bat eskuratu zuten. Bollywoodeko filmetako, musikaletako edo ospakizunetako abestiak, karrozan Taj Mahal handi bat oihalez eta bitxiz apaindutako elefante erraldoi batekin. Goian hiru erregina liluragarri agertzen ziren. Inauteri berezia eta zirraragarria izan zen, Oliber Nestar gure arduraduna 2015eko Donostiako Inauterietako Momo Jainkoa aukeratu zutelako.

2016. urtean "Txutxelandia". Proiektu honetan pentsatu gabe sartu zuten; oporren ikuspegi batek kolorez eta jolasez betetako azoka honetara eraman zituen. 230 konpartsakidek sortu zuten Txutxelandia. 5 koreografia koloretsu ikusgarri eta dotore prestatu zituzten. Azkenean, inauterietako desfileak eguraldi bikainarekin egin ahal izan ziren. 2017. urtea "Fantasía Volare". 250 kidek Fantasia hau sortu zuten basoko maitagarri, uretako tximeleta, aingeru eta deabru, ninfa, tximeleta, erle eta marigorringoekin. Koreografia ikusgarriak eta mugimendu handiz beteak urrutira hegan egin ahal izateko. Fantasia ahaztezin batek kolorez betetako inauteriak izatea eragin zuen.

Inauteriak bere fruituak eman ditu eta konpartsakideak konpartsa honen sugarra dira. Horregatik, festan parte hartzera eta barrutik bizitzera animatzen dute. Bizi inauteriak eta sentitu mozorroaren magia!. 2020. urtea, Fiesta Tropical, kolore- eta erritmo-eztanda.