Errege Magoak

2025eko Errege Magoak

Egitaraua

Errege Magoen etorrera

Aurten, Ekialdeko Erregeek gure udalari eskatu diote Konstituzio plazako balkoira atera ahal izatea. Balkoi horretatiktik, lehen lerroan, San Sebastian eguneko festaren unerik maiteenetako batzuk ikusten dira; banderaren igoera eta jaitsiera, danborradaren 24 ordu biziei hasiera eta amaiera ematen dietenak. Iaz, hiriko hainbat auzo bisitatu ondoren, konturatu ziren urtero agertzen diren udaletxeko balkoitik Haur Danborrada, non 5.000 haur donostiar inguruk beren ibilbidea hasten duten hiriko jai nagusian, ikus daitekeela.Beraz, Donostiako haurrek Meltxor, Gaspar eta Baltasar ikusteko izango duten lehen aukera Konstituzio plazan izango da, urtarrilaren 5ean, igandea, goizeko 10:30ean.

Errege Magoen bisita hiriko auzoetara

Behin balkoira aterata, ibilbide txiki bat egingo dute kotxez Parte Zaharrean barrena, Joselontxos txarangak lagunduta. Goizeko 11:00etan, Hernani kalean euren segizioaren zain egongo dira aurten bisitatuko dituzten auzoetan zehar ibilbidea hasteko:

Errege Magoen harrera

Udaleko ordezkariak agurtu ondoren, Errege Magoek 15:30etatik aurrera udaletxeko pleno aretoan bertaratzen diren guztiei harrera egingo diete. Errege Magoek, eskatzen dutenari zeliakoentzat eta diabetikoentzat egokiak diren gozokiak emango dituzte

Harrera 17:30ean amaituko da, eta Alderdi Ederren izango den sartzeko lerroa itxiko da (udaletxeko terrazara sartzeko hesitik) 17: 10ean. Une horretatik aurrera, Errege Magoen paje laguntzaileek pleno aretora sartu ezin izan diren haurren gutun eta mezu guztiak jasoko dituzte, desfilea hasi aurretik Erregeei helaraz diezazkieten.

Ijentea kaletik sartu ahal izango dira mugikortasun urriko haurrak. Erregeek, aurreko edizioetan bezala, zeinu-mintzaira dakien paje baten laguntza izango dute entzumen-urritasunak dituzten pertsonei laguntzeko.

Errege Magoen desfilea

Desfilea hiriko erdiguneko kaleetatik joango da, eta arratsaldeko 18:00etan hasiko da, Bulebarretik. Bost izango dira desfilean parte hartuko duten karrozak. Ohiko lau karrozak - Jaiotza, Meltxor erregea, Gaspar erregea eta Baltasar erregea - eta bosgarren karroza bat, non gure hiriko buruhandiak errege-segizioarekin batera joango diren. Gainera, Errege Magoei opariak prestatzen eta banatzen lagunduko dieten ohiko paje-taldeak izango ditu, eta kabalgatari kolorea eta erritmoa jarriko dioten animazio-taldeak ere bai.

Kabalgata amaituta Errege Magoek adinekoen hiru zentro bisitatuko dituzte: Ballesol Easo, Matía Rezola eta Centro Residencial Bermingham.