Botoiak, kremailerak eta bestelako konponketak Prokulturako irakaslea

Josteko trebetasunak ikasi edo hobetu nahi dituzten pertsonei zuzendutako ikastaro praktikoa da. Ikastaroan zehar, arropa desberdinetan egin ohi diren konponketak egiteko oinarrizko teknikak landuko dira. Ikasleek materialak identifikatzen, josteko tresnak behar bezala erabiltzen eta konponketa txikiak modu praktikoan egiten ikasiko dute, arropen berrerabilpena eta zaintza sustatuz.

Helburuak
• Eguneroko konponketetan aplikatutako joskintzako oinarrizko teknikak ikastea.
• Josteko tresnen eta materialen erabilera egokia ezagutzea.
• Botoiak josteko, kremailerak ordezkatzeko eta konponketa txikiak egiteko autonomia eskuratzea.
• Ehunezko jantzien berrerabilpena eta zaintza sustatzea.
• Eskuzko trebetasuna, zehaztasuna eta pazientzia garatzea.
• Herritarren parte-hartzerako espazioak sortzea.
• Herritarren interes praktiko eta sortzaileak asetzea.

Programa 1. Hiruhilekoa: Botoiak eta oinarrizko konponketak
• Josteko tresnak eta materialak ezagutzea.
• Orratzak hariztatzea eta oinarrizko puntada motak.
• Mota desberdinetako botoiak jostea eta ordezkatzea.
• Ojal sinpleak konpontzea.
• Josturak askatu diren lekuak eta urradura txikiak konpontzea.
• Josturak indartzea eta oinarrizko akaberak egitea.

2. Hiruhilekoa: Kremailerak
• Kremailera motak eta haien erabilerak.
• Kremailerak jartzeko tresna eta material espezifikoak.
• Hondatutako kremailerak ordezkatzea.
• Kremailerak gonetan, galtzetan, kuxinetan eta poltsetan jartzea.
• Itxiera eta kremaileretako arazo txikiak konpontzea.

3. Hiruhilekoa: Beste konponketa batzuk eta pertsonalizazioa
• Beheak eta tolesturak egitea.
• Jantzietan zabalera eta luzera doikuntza errazak egitea.
• Apaingarri edo erabilera funtzionaleko adabakiak eta konponketak jartzea.
• Gomak, zintak eta lokarriak ordezkatzea.

Nori zuzendua: Helduak 

Ikasleak eraman beharreko materiala:
• Oinarrizko josteko kutxa (orratzak, hariak, guraizeak eta orratz-buruak).
• Titarea.
• Neurtzeko zinta.
• Ohar-koadernoa eta boligrafoa.
• Praktikak egiteko arropak edo ehunak.