Friki Harrotasunaren hilabetea Egiako Liburutegian

Mahai-jokoak, rol-jokoak, munduko kasete birbobinatze txapelketa, friki zozketa... Egiako Liburutegian Friki Harrotasunaren hilabetea ospatuko da maiatzean zehar eta programa berezia antolatu dute lau ekintza nagusirekin.

2026-04-29

Friki Harrotasunaren jaialdiaren baitan jarduera paraleloak ere izango dira hilabetean zehar. Jarduera horien bidez, Egia auzoko neska-mutilek liburutegia apainduko dute frikien kanonek agintzen duten lez.

Programa

Hona hemen Egiako Liburutegian prestatutako programa (ekintza guztiak 18:00etan izango dira):

Maiatzak 7: Mahai jokoen erauntsia. Dadoak, kartak, estrategia eta barre asko... adin guztientzat!
Maiatzak 14: It's only rol, but i like it. Zure abentura aukeratzeko prest? Sirenatxo bat, Sherlock, Lara Croft edo Julian Iantzi... nor izan nahi duzu gaur?
Maiatzak 27: Kasete birbobinatze IV. Mundu Txapelketa Bic Boliarekin.
Maiatzak 28: urteroko hitzorduan hutsik ez egiteko, aurten ere Friki Harrotasunaren zozketa mundiala egingo da.