Albisteak

Jaialdiko argi instalazioek, proiekzio monumentalek eta zuzeneko emanaldiek berriro sortu zuten harridura.

Inmigrazioaren alderdi ezberdinen inguruan sakontzeko, Demografia erronka: migrazioak hiru saioko zikloa antolatu dute San Telmo Museoak eta Jakiundek, urrian zehar solasaldiak eskainiko dituzten adituak bilduko dituena. Gainera, honen osagarri gisa Gari Garaialderen argazki erakusketa egongo da ikusgai. Biak, zikloa eta erakusketa, egungo gizartearen erronkei buruzko lan ildoan kokatzen dira.

Gipuzkoako Foru Aldundiak urtero antolatzen du Ondarearen Europako Jardunaldien programazioa lurraldeko ondarea ezagutarazteko helburuarekin. San Telmo Museoak 8 jarduera antolatu ditu urria eta azaroa artean; lehena ostegun honetan izango da, urriak 5.

Donostia Kulturako 2023-2024 ikastaroetan oraindik matrikulatzeko aukera dago.

Gabriela Kraviez artistaren (Buenos Aires, 1965) Vulnerabilidad-Resistencia obra erosi dio San Telmo Museoak Altxerri galeriari Irekiak Gallery Weekend ekimenaren testuinguruan, hiriko arte galerien alde egin ohi duen apostua berretsiz. Irekiak Gallery Weekend ekimena ospatzen denetik museoak urtero erosi du obra bat.