Un condé 1970

• Frantzia-Italia.
• Zuzendaritza: Yves Boisset.
• Ekoizpena: Stéphan Films, Empire Films.
• Gidoia: Yves Boisset, Claude Veillot eta Sandro Continenza, Pierre-Vial Lesou-ren La Mort d'un condé eleberrian oinarriturik.
• Argazkia: Jean-Marc Ripert.
• Musika: Antoine Duhamel.
• Muntaketa: Albert Jurgenson.
• Aktoreak: Michel Bouquet, Françoise Fabian, Gianni Garko, Michel Constantin, Anne Carrère, Rufus, Théo Sarapo.

Polizia bat tiroz hil dute droga-trafiko kasu bat ikertzen ari zen bitartean. Favenin inspektorea arduratuko da kasua ikertzeaz eta ezerk ez du eragotziko, ezta legeak berak ere, bere lana aurrera eramatea. Filma oso polemikoa izan zen bere garaian eta hilabeteak behar izan zituen estreinatzeko, barne-ministroaren eta polizia-agintarien presioengatik; haiek ez zituzten begi onez ikusi inspektoreak erabilitako hain metodo bortitzak, informazioa lortzeko atxilotuak torturatzea, esaterako.