Rose of Nevada 2025

Ahaztutako arrantza-herri batean, itsasontzi bat agertzen da, misteriotsu, portuan. Rose of Nevada, duela 30 urte itsasoan eskifaiako kide guztiekin galdu zena, itzuli egin da. Gogoratzen duten gutxi horientzat seinale bat da: itsasontzia berriro itsasoratu behar da, agian orduan aldatuko da suntsitutako herrixkaren zoria. Nickek itsasontziko lan bat onartuko du, bere familia mantentzeko ahaleginean. Bere ondoan, Liam iritsi berria eskifaiarekin elkartzen da, bere iraganetik ihes egiteko etsipenez. Itsasoratzen dira eta, bidaia arrakastatsu baten ondoren, portura itzultzen dira. Baina zerbait gaizki doa. Denboran atzera egin dute eta herritarrek jatorrizko eskifaia balira bezala hartzen dituzte.

• Erresuma Batua
• Zuzendaritza: Mark Jenkin
• Ekoizpena: Denzil Monk / Bosena Films, BFI Films, Film4 Productions, Head Gear Films, Metrol Technology
• Gidoia: Mark Jenkin
• Argazkia: Mark Jenkin
• Musika: Mark Jenkin
• Muntaketa: Mark Jenkin
• Aktoreak: George MacKay, Callum Turner, Rosalind Eleazar, Francis Magee, Emily Daglish-Laine