Flic Story 1975

• Frantzia-Italia.
• Zuzendaritza: Jacques Deray.
• Ekoizpena: Alain Delon / Adel Productions, Lira Films, Mondial Te.Fi.
• Gidoia: Jacques Deray eta Alphonse Boudard, Roger Borniche-ren eleberrian oinarriturik.
• Argazkia: Jean-Jacques Tarbès.
• Musika: Claude Bolling.
• Muntaketa: Henri Lanoë.
• Aktoreak: Alain Delon, Jean-Louis Trintignant, Renato Salvatori, Claudine Auger, Maurice Biraud, André Pousse.

Nobela autobiografikoan oinarritutako filma. Bertan, lehen polizia eta gero idazle bihurtutako Roger Bornichek bere ibilbide osoan aurre egin behar izan zion kasurik ospetsuena kontatzen du: Émile Buissonen jazarpena. 1940ko hamarkadako kriminal ezagun bat zen bera, hogeita hamar hilketa ingururen eta ehun lapurreta baino gehiagoren egilea. Hemen Alain Delon da Borniche, beste poliziak ez bezalakoa, armarik ez daramana eta delitugileek ere errespetatzen dutena. Buisson, berriz, Jean-Louis Trintignant da.