Hotel Monbar, 40 años Jerónimo Ríos, Jon Mirena Landa, Ainara Esteran

Jerónimo Ríos, Jon Mirena Landa eta Ainara Esteranek Hotel Monbar, 40 años. Reflexiones entorno a la mayor masacre de los GAL hitzaldia eskainiko dute. Irailaren 25ean 40 urte beteko dira GALek Baionan Monbar hoteleko atentatua egin zuenetik. Erakunde terroristaren atentaturik odoltsuena da: 4 hildako eta zauritu bat.

Maitena Salinas kazetariak moderatutako hitzaldia Hotel Monbar,1985 erakusketarekin lotuta dago, eta bertan estatuak erabilitako indarkeriaren larritasunaz arituko dira, horren ondorioak salatzeko: giza eskubideen urraketa larriak, zuzenbide-estatuaren porrota eta demokraziaren kalitatea murriztea.

Halaber, indarkeria horren inguruan izan diren isiluneei eta ahanzturari buruz hausnartzeko gune bat ireki nahi da, baita memoria-betebeharrari eta bizikidetzarako duen balioari buruz hausnartzeko ere.

Hizlariak:

Jerónimo Ríos: Madrilgo Universidad Complutenseko Zientzia Politikoetan doktorea eta Rey Juan Carlos Unibertsitateko Humanitateetan doktorea. Gaur egun, irakasle laguntzaile doktorea da Madrilgo Universidad Complutenseko Zientzia Politiko eta Soziologiako Fakultatean.

Jon Mirena Landa: Zigor Zuzenbideko katedraduna Euskal Herriko Unibertsitateko (EHU) Zuzenbide Fakultatean eta EHUko Giza Eskubideen eta Botere Publikoen UNESCO Katedrako zuzendaria.

Ainara Esteran: Egiari Zor elkarteko kidea 

Moderatzailea: Maitena Salinas