El desafío de la Orquesta Mondragón Javier Gurruchaga, Cheli Lanzagorta, Gregorio Gálvez

Javier Gurruchaga, Cheli Lanzagorta eta Gregorio Gálvezen arteko mahai-ingurua, Ricardo Aldarondo (Discos Mon Oncle) kazetariak gidatua: Desafío de la Orquesta Mondragón en la Donostia de los años 70. Ekitaldia Oharra: artistak ez du bisitarik nahi erakusketarekin dago lotuta.

Orquesta Mondragónen jaiotzaren 50. urteurrena betetzean, bandaren hastapen haiek gogora ekarriko dira, frankismotik irteten hasia zen Donostian adin nagusitasuna ozta-ozta bete zuten hainbat gazterekin. Ayestaran anaien etxebizitza babesgune eta Donostiako underground-aren kuartel nagusi gisa, Javier Gurruchaga, Popotxo eta hamar bat musikari eta performerrek Gregorio Galvezen Herri Irratiko saioan eta ikastetxe erlijiosoetako ekitaldi-aretoetan egindako lehen agerraldiek desafiatu egin zituzten artearen eta dekorazioaren arau guztiak.

Ikonoklastak, surrealistak, zirikatzaileak, rock & rolla eta swinga, irrati-parodiak eta erreferentzia zinematografikoak nahastu zituzten, eta hastapenetatik Orquesta Mondragónen nortasun paregabea El pollo de Carlitos eta El chorizo de Johnny Zimbel ikuskizunekin definitu zuten.

Ekitaldian soinu eta ikusizko dokumentu argitaragabe batzuk berreskuratuko dira, bost hamarkadatan zehar Espainian izan den musika herrikoiaren eta eszenaren talde enblematikoenetako baten industria diskografikora jauzi egin aurretik.