Lokaletako ikuskizunen jakinarazpena

Zertarako da prozedura hau?
Izapide edo prozedura honen helburua da establezimenduetan musika, antzerki edo barietateen ikuskizun txikiak antolatzeari bultzada ematea, beti ere, establezimenduak baimenduta duen ordutegiaren barruan eta dagozkion udal ordenantzetan ezarritako mugei men eginez.

Nork egin dezake eskaera?
Pertsona fisiko edo juridikoak edo haren legezko ordezkariak.

Nola egin behar da eskaera?
Horrelako ekitaldi bat antolatu behar duen establezimendu publikoak jakinarazpen hau bete behar du emanaldiaren data baino 15 egun lehenago. Behin jakinarazpena beteta, hori fisikoki edo telematikoki aurkeztu behar du Donostiako Udal erregistroan. Kasu batean zein bestean, derrigorrezkoa da jakinarazpenaren formulario edo inprimaki espezifikoa erabiltzea.