Donostia Kultura: 2024ko arte eszenikoetako udaberriko programazioa

2024 otsailak 27 • 10:30

Donostia Kulturak gaur, otsailak 27, aurkeztu du haur eta helduei zuzendutako 2024ko udaberriko arte eszenikoetako ordainpeko programazioa. Guztira, helduentzako 45 ikuskizun izango dira apiriletik ekainera Donostia Kulturaren antzoki eta kultur etxeetan: 21 kontzertu, 15 antzezlan eta 9 dantza emanaldi. Horrez gain, 5 haur ikuskizun eta 21. Giza Eskubideen Zinemaldia ere izango dira.

Sarrerak bihar, otsailak 28, jarriko dira salgai 11:30etik aurrera Victoria Eugenia Antzokiko eta Antzoki Zaharreko leihatiletan eta donostiakultura.eus/sarrerak webgunean.