Intxaurrondo Kantuz 2026-2027 Izbe

Kanta herrikoien inguruko ikastaroa.

Programa
Kantu Jira ekimenaren barruan kokatzen den jarduera da tailer hau. Ekimena 2003. urtean sortu zen, Euskaldunon Egunkaria itxi izanarengatik protesta egiteko modu gisa. Orduan, Donostiako auzo ezberdinetako abesteko zaletasuna zuen jendea batu eta lehenengo kantaldi herrikoi bat antolatu zuen.

Geroztik, Kantu Jira erabat errotu da Donostian, auzoetan tailerrak egiten dira eta, kasu honetan Intxaurrondon, kantuak ikasi eta abesteko ikastaroa dago antolatua. Helburuak:

● Euskal abesti herrikoiak ezagutu.
● Musika-kultura herrikoiari jarraipena eman.
● Kantu Jira ekimenerako abestiak entseatu.
● Abesteko zaletasuna elikatu.
● Tarte atsegin bat pasa, lagun-giroan.