Soinua (II). Soinua eta emozioak Harrobideo

Larrotxene Bideoren eskutik, Harrobideo ikus-entzunezko sormen programa berria sortu da, zinemagintza, modu ludiko, esperimental eta kolektiboan lantzeko helburuarekin. 8–12 urteko haurrei zuzendua, Larrotxene Kultur Etxean egingo da, hilean bi larunbatetan, saio bakoitza 2 ordukoa izanik.

Zortzigarren saioan, soinuaren munduan murgilduta jarraituko dugu, istorio batek nola bizia har dezakeen deskubritzeko. Soinu efektuak eta musikan oinarrituko dugu sesioa: istorioak kontatzen laguntzen duten eta irudiei esanahi berriak ematen dizkieten soinuak. Eszenekin lan egingo dugu ere, egokiak diren efektuak eta musika sortuz.

Saio honetan, Zine–Lab-ez gain, Jon Goya musikaria izango dugu bidelagun berriro, soinuaren eta musikaren magia gertutik ezagutzeko.

Informazio gehiago: Harrobideo, 8-12 urtekoentzako ikus-entzunezko laborategia (albistea).

Oharra: Doakoa, izen-ematea maiatzaren 7ko 16:00etatik aurrera egin ahal izango da webgunean (saio honen fitxan automatikoki azalduko den matrikulatzeko botoiaren bidez). Jarduera horiek guztiek prestakuntza-ibilbide osoa osatzen dute, baina saio independente gisa ere funtziona dezakete, jarraitutasun-konpromisorik gabe. Saio honetan parte-hartzeko derrigorrezkoa izango da onartzea Donostia Kulturaren adingabeen irudiak eta irudi-grabaketak erabiltzeko baimenaren agirian jasotakoa.