Kantu herrikoiak barnetik Thierry Biscary

Thierry Biscary. Euskal kantu herrikoiak ikasi eta interpretatzeko ikastaroa. Ez da musika-irakurketa ezagutzarik beharko: kanturako zaletasuna, besterik ez. Abestiak ikasteaz gain, hauen testuingurua, abesteko guneak eta beste ezaugarri batzuk ere aztertuko dira ikastaroan zehar.

• Euskal Herriko zein beste kulturetako kantuen entzunaldi komentatuak egingo dira, grabazio historikoetatik hasi eta gaur egungo kantarietaraino, herri-kantaera desberdinen ezaugarriak identifikatu eta pixkanaka barneratzen joateko helburuarekin.
• Euskal herri-kanten ezagutzan sakontzea (errepertorioak, estiloak…).
• Taldeko kantua eta polifoniarako gaitasuna lantzea (nork bere ahotsari eusten ikastea, bigarren eta hirugarren ahotsak sortzea,tinbreari eta harmoniari erreparatzea…).
• Ikastaroaren amaieran kantaldi bat eskaintzea.