Herri-kanten laborategia Itziar Navarro

Ikastaro honetan euskal herri-kantak taldean ematen ikasiko da, bereziki, polifonian edo hainbat ahotsetara. Ahoz transmititu diren herri-errepertorioetan jarriko da arreta. Hortaz, ez da musika-irakurketa ezagutzarik beharko: kanturako zaletasuna, besterik ez.

Klasean Euskal Herriko zein beste kulturetako kantuen entzunaldi komentatuak egingo dira, grabazio historikoetatik hasi eta gaur eguneko kantarietaraino, herri-kantaera desberdinen ezaugarriak identifikatu eta pixkanaka barneratzen joateko helburuarekin. Ikastaro hau Thierry Biscaryk eskaintzen duen “Kantu herrikoiak barnetik” ikastaroaren osagarri da. Aipatutako ikastaroa egin izana lagungarria izango da laborategi honetan parte hartzeko.

• Euskal herri-kanten ezagutzan sakontzea (errepertorioak, estiloak…).
• Taldeko kantua eta polifoniarako gaitasuna lantzea (nork bere ahotsari eusten ikastea, bigarren eta hirugarren ahotsak sortzea,tinbreari eta harmoniari erreparatzea…).
• Ikastaroaren amaieran kantaldi bat eskaintzea.