Filmaketa (I). Kamera, gorputzaren luzapena Harrobideo

Larrotxene Bideoren eskutik, Harrobideo ikus-entzunezko sormen programa berria sortu da, zinemagintza, modu ludiko, esperimental eta kolektiboan lantzeko helburuarekin. 8–12 urteko haurrei zuzendua, Larrotxene Kultur Etxean egingo da, hilean bi larunbatetan, saio bakoitza 2 ordukoa izanik.

Bosgarren saioan, kamera tresna soil bat izatetik gure gorputzaren luzapen bat izatera igaroko da. Nor garen eta nola begiratzen dugun aztertuko dugu, irudiaren indarra eta gure presentzia zinematografikoa esploratuz. Gure uhartea eta gure nortasuna zinemaren lengoaiatik eraikitzen jarraitzeko esperientzia praktikoa.

Informazio gehiago: Harrobideo, 8-12 urtekoentzako ikus-entzunezko laborategia (albistea).

Oharra: Doakoa, izen-ematea martxoaren 12ko 16:00etatik aurrera egin ahal izango da webgunean (saio honen fitxan automatikoki azalduko den matrikulatzeko botoiaren bidez). Jarduera horiek guztiek prestakuntza-ibilbide osoa osatzen dute, baina saio independente gisa ere funtziona dezakete, jarraitutasun-konpromisorik gabe. Saio honetan parte-hartzeko derrigorrezkoa izango da onartzea Donostia Kulturaren adingabeen irudiak eta irudi-grabaketak erabiltzeko baimenaren agirian jasotakoa.