Edizioa (I). Grabatutakoaren berrazterketa Harrobideo

Larrotxene Bideoren eskutik, Harrobideo ikus-entzunezko sormen programa berria sortu da, zinemagintza, modu ludiko, esperimental eta kolektiboan lantzeko helburuarekin. 8–12 urteko haurrei zuzendua, Larrotxene Kultur Etxean egingo da, hilean bi larunbatetan, saio bakoitza 2 ordukoa izanik.

Bederatzigarren saioan collagea esperimentatuko dute, irudi berriak sortu eta istorioak kontatzeko modu desberdinak ezagutzeko. Ondoren, taldeak grabatutako materiala ikusi eta entzungo dute, irudiek zer transmititzen duten eta elkarren artean konbinatzean nola aldatzen diren komentatuz.
Azkenik, ikus-entzunezko edizioaren oinarrietara hurbilduko dira, irudiak eta soinuak antolatzen ikasiz kontakizun kolektibo txiki bat sortzeko.

Informazio gehiago: Harrobideo, 8-12 urtekoentzako ikus-entzunezko laborategia (albistea).

Oharra: Doakoa, izen-ematea maiatzaren 21eko 16:00etatik aurrera egin ahal izango da webgunean (saio honen fitxan automatikoki azalduko den matrikulatzeko botoiaren bidez). Jarduera horiek guztiek prestakuntza-ibilbide osoa osatzen dute, baina saio independente gisa ere funtziona dezakete, jarraitutasun-konpromisorik gabe. Saio honetan parte-hartzeko derrigorrezkoa izango da onartzea Donostia Kulturaren adingabeen irudiak eta irudi-grabaketak erabiltzeko baimenaren agirian jasotakoa.