Hizkuntzak
Sorkuntza babestea
Donostia Kulturak sorkuntza babestu eta sustatzen du, eta, horregatik, hainbat ekimenetan parte hartzen du, hala nola.
Poltsiko Antzerki Sorkuntza
Poltsiko Antzerki Sorkuntza euskarazko formatu txikiko antzerki sorkuntza sustatu nahi duen Poltsiko Antzerki Jaialdiaren egitasmoa da. Donostia Kulturak antolatzen du, Donostiako Udaleko Euskara Zerbitzuaren eta Euskal Herriko Antzerkizale Elkartearen laguntzarekin.
Poltsiko Antzerki Jaialdian zein orokorrean euskarazko formatu txikiko antzezlan gutxi eskaintzen direnez, deialdi honek euskarazko sorkuntzak ugaritzea du helburu. Laguntza ekonomikoaz gain, proiektuak ekoizteko eta zabaltzeko laguntza ere ematen du, hautatutako obren emanaldiak antolatuz. Beraz, deialdi honek esku-hartze integrala dakar, hautatutako obrak sortu, ekoitzi eta zabaltzeko euskarria emanez.
Poltsikoko antzerkia 2021 - Las Dostoyevsky.
Poltsikoko antzerkia 2021 - Txikiren bakarrizketa.
Antzerkigintza Berriak
Idazketa dramatiko propioari bultzada
Proiektuaren helburua, bere garaian DSS2016ek sustatua eta bere legatuaren parte bihurtu dena, sortzaile eta antzerkigileen sare bat sortzea da, ohiko bakarkako lana eta horren ohikoa ez den talde lana uztartuz, antzerkigintzako materialak sortzeko harrobi bat eratzeko eta, horrela, antzerki konpainientzako eta sormen eszenikoarentzako erreferente bat eraikitzeko.
Era berean, ekimen honek antzerki testu berrien sormena sustatu nahi du; testua partitura entregagaitzat ulertua, zuzendari batek eszenara dezakeena.
Gasteizko Principal Antzokiak, Donostiako Victoria Eugenia Antzokiak eta Bilboko Arriaga Antzokiak Antzerkigintza Berriak programa jarri dute abian berriro, sortzen ari diren antzerkigileei eta beste arlo artistiko batzuetatik etorrita (literatura, zinema...) sormen eszenikoan menturatu nahi duten sortzaileei antzerkiaren ingurunera hurbil daitezen errazteko asmoz.
- 2022: Rigor Mortis (Dorleta Urretabizkaia).
- 2021: ¿Quién nos disparó después del 22?¿Y ahora? (Alexandru Stanciu).
- 2020: Solo críos, críos solos (Paco Gámez).
- 2019: La celda sin noche (Galder Sacanel).
- 2017: El patio de mi casa (Maria Goiricelaya).
- 2016: Erlauntza (Kepa Errasti) / Galerna (Tamara Gutiérrez).
- 2015: Coordenadas (Olatz Gorrotxategi) / Soka (Mike Guerra) / Miss Karaoke (Oier Gillan).
2018ko gazteen antzerki topaketa - Aitziber Garmendia.
Gazteen Antzerki Topaketa
Donostiako Udaleko Gazteria Sailak, Donostia Kulturarekin elkarlanean, antolatzen du Gazteen Antzerki Topaketa.
Jarduera honen helburua hiriko talde ez-profesionalen (14-30 urte) sorrera sustatzea eta zabaltzea da. Horretarako, hiriko espazio eszeniko onenetako batzuk haien eskura jartzen dituzte beren lana inguru profesional batean aurkez dezaten.
Topaketak beren ekoizpen kulturalak sortzeko eta zabaltzeko prozesuan aurrera egiteko motibatzen ditu bertan parte hartzen duten gazteak, parte-hartzaile guztientzako esperientzia positiboa, atsegingarria eta hezitzailea bultzatuz, beren ahalmen sortzaile eta artistikoen elementu motibatzaile gisa jardunez.
