Teknologia kuantikoak: Zer da hori? Javier Aizpurua

Hizkera erraz eta hurbilean, hizlariak konputazio kuantikoaren oinarrizko kontzeptuak deskribatuko ditu hitzaldi honetan, eta teknologia horiek inpaktu handia izan dezaketen aplikazio nagusietako batzuk aurkeztuko ditu.

Javier Aizpurua Basque Quantum ekimenaren zuzendaria da eta Donostia International Physics Centerreko (DIPC) Ikerbasque irakaslea da, eta bere gain hartu berri du Basque Quantum – BasQ estrategiaren zuzendaritza. Eusko Jaurlaritzako Hezkuntza Saila da BasQ estrategiaren buru, eta hiru foru aldundien parte-hartzea ere badu; haren helburua da Euskadi aitzindaria izatea teknologia kuantikoen garapenean ikerketaren eta talentuaren eremuetan, eta nazioarteko erreferente bihurtzea teknologia horietan.