¿Cómo trabaja un paleoartista? Mauricio Antón

Nola dakigu duela milioika urte desagertu zen animalia batek zer itxura zuen? Nola berreraiki ditzakegu bere azala, giharrak, mugitzeko modua edo bizileku zuen paisaia fosil batzuetatik abiatuta?

Topaketa honetan, Mauricio Antón paleoartista ezagunak irudien bidez desagertutako espezieak eta ekosistemak berriz biziarazteko zientzia eta artea nola elkartzen diren erakutsiko digu.

Berreraikuntza bakoitzaren atzean dagoen ia detektibe lana ezagutuko dugu: fosilen azterketatik eta paleontologoekin eta beste ikerketa talde batzuekin egindako lankidetzatik hasi, eta azken ilustrazioaren sorreraraino. Zientziak zer arrasto ematen dituen, paleoartistak zer erabaki hartu behar dituen eta berreraikitze bat errealitatera zenbateraino hurbiltzen den ikusiko dugu.

Bere lanaren adibideen bidez, Mauricio Antónek duela milioika urte gure planetan bizi izan ziren izakiei “aurpegia jartzea” nola lortzen den erakutsiko digu, baita ondoren museoetan, liburuetan eta dokumental zientifikoetan aurkitzen ditugun irudiak nola sortzen diren ere.

Paleontologia beste ikuspegi batetik ezagutzeko aukera, non ikerketa zientifikoak, arteak eta irudimenak elkarrekin lan egiten duten iragana berreraikitzeko.

• Ikusi Mauricio Antón. Arte y paleontología erakusketarekin lotutako jarduerak.

Saio hau EHUren Zientziaren Astearen programazioaren barnean dago.

Oharra

Saio hau streaming bidez emango da