Euskal txirrindulariak Tourraren historian Ander Izagirre

Ander Izagirre kazetari eta idazleak Euskal txirrindulariak Tourraren historian hitzaldia eskainiko du Bizikletak. 150 urte erakusketari lotua.

Euskal txirrindulariek denetatik dastatu dute Frantziako Tourrean: tragedia, epika, komedia eta drama. Vicente Blanco herrena bizikletaz joan zen Bilbotik Parisera 1910eko Tourrean parte hartzeko, Joane Somarriba hirutan igo zen Parisko podiumera horiz jantzita XXI. mendean, eta tartean garaipena, porrota, heriotza, loria, erbestea, talde sonatuak, marea laranjak eta beste mila abentura bizi izan dituzte lasterketarik handienean.