Escenarios improbables Pedro Torrijos, Gorka Arriola, Imanol Sánchez

Futbolak ia edozein egoeratan edo lekutan bidea irekitzeko duen indarra da datozen hilabeteetan Ernest Lluch Kultur Etxean gozatu ahal izango den Kornerren erakusketaren gaia: Futbolaren indarra.

Ideia hori ere aztertzen du hitzaldi honek. Pedro Torrijos, milaka pertsona liluratzen dituzten istorioen kontalari bihurtutako arkitektoa da, eta futbolarekiko grina geldiezin horretatik sortzen diren mundu osoko eraikuntza gertagaitzak erakutsiko dizkigu. Eta mundutik auzora: Intxaurrondon Kingtxa League izeneko txapelketa sortu duen lagun talde batek (Gorka Arriola eta Imanol Sánchez) lagunduko du; komunitate bat batzeko balio duen proiektua da, eta futbolaren osagai sozialean jartzen du fokua.

Moderatzailea: Nahia Sillero.

Informazio gehiago: Korner Kultura & Futbol Festibala.