Erresuma / Kingdom/ Reino; William Shakespeareren tragedia historikoak Calixto Bieito

Erresuma/Kingdom/Reino Tragedias históricas de William Shakespeare proposamen ahaltsu gisa aurkezten zaigu estetikoki eta bisualki, oso eszena-planteamendu gaurkoa baitu, instalazio batetik oso gertukoa. Calixto Bieitok Shakespeareren tragedien funtsari eusten dio: hizkuntza, bortxa eta poesia. Ardatza errege handiak dira –Rikardo II.a. Enrike IV.a, Enrike V.a, Enrike VI.a eta Rikardo II.a–, beren ahal eta ahuleziekin. Haien historietan, indarkeria, gorrotoa, ustelkeria, gogoeta, heldutasuna, egonezina, ziurgabetasuna, sumina, errukia... ageri dira.

Josep María Pou, Joseba Apaolaza, Lucía Astigarraga, Ylenia Baglietto, Ainhoa Etxebarria, Ane Pikaza, Iñaki Maruri, Koldo Olabarri, Lander Otaola, Eneko Sagardoy eta Mitxel Santamarina aktoreek osatzen dute Arriaga Antzokiak Teatro Español, Gasteizko Printzipal Antzokia, Donostiako Victoria Eugenia Antzokia eta Getxoko Musikebarri zentroarekin batera egindako produkzio honetako aktore-taldea, Bernardo Atxaga arduratu da antzezlana euskaraz egokitzeaz.