Hizkuntzak
El inconveniente Kiti Mánver, Cristóbal Suárez, Marta Velilla
Iragandako ekitaldia
24 € / 18 € / 10 €
Hizkuntza: gaztelania
90 minutu
Luisi beti gustatu izan zaio auzo hau. Nabari da ingurune aberatsean dagoela. Bera ere, zertan ukatu, aberaskumea da. Agente immobiliarioak eskaintzen dion etxebizitzak berak nahi dituen ezaugarri guztiak ditu: prezio apala, lekua ugari, argia eta mendialderako bista ederrak. “Akats” bakar bat du: etxebizitzaren jabea ere bertan bizi izango da hil arte (aurki gertatzekoa, ustez). Lolari (hirurogeita hamalau urte) bihotzeko ebakuntza egin diote bi aldiz, eta gauza ziurra da ez duela askorik iraungo. Batez ere horrenbeste erretzen jarraitzen badu. Eta horrenbeste edaten (aurrean jartzen dioten guztia). Bai, Luisek erabakia hartu du, etxebizitza erosi eta itxarotea…
Baina, jakina, gauzak ez dira beti gertatzen espero genuen bezala. Lehenik eta behin, Lolak osasun ezin hobea erakusten du hilabetea joan hilabetea etorri. Eta bigarrenik, eta are larriagoa dena, Luisen bizitza bera hasi da gainbehera, gertaera berri eta harrigarriekin. Bi persona horien artean, hain desberdin eta hain antzeko beren bakardadean, adiskidantza sortuko da, barrez, samurtasunez, emozioz eta konplizitatez betea.