Zer izan, nor izan Yolanda Arrieta

Haur eta gazte literaturan murgildu nahi duten helduentzako irakurketa kluba, Yolanda Arrieta Malaxetxeberriaren eskutik.

Saio hauetan, haurrei zuzendutako literaturako “altxorrak”, klasikoak eta berriak ezagutzeko aukera izango dute guraso, irakasle eta interesa izan dezakeen edonork.

Hirugarren saio honetan nortasunari buruz hitz egingo da eta Irati Goikoetxea Asurabarrenaren Nor zeneko lan esanguratsuan sakonduko dute.

Liburu hauek ezagutzeaz gain, literaturaren aitzakiaz, batetik bizitzaz hitz egiteko aukera izango da eta bestetik, liburu hauekin landu daitezkeen dinamika ezberdinak ere ezagutuko dira. Azken batean, modu praktikoan haurren artean irakurzaletasuna sustatzeko baliabideak eskaini nahi zaizkie helduei.