Aizkolarien Urrezko Kopa Sailkatze proba

Iaz bezala, aurten ere uneko aizkolari onenen artean aldez aurreko sailkatze-proba berezia egitea erabaki da. Kirolari bakoitzak 54 ontzako 7 enbor moztuko ditu. Proba seiko bi txandatan egingo da eta zozketa bidez aukeratuko dira.

Sailkatze-proban parte-hartzaileak: Julen Alberdi (Azkoitia), Aitzol Atutxa (Dima), Jose Antonio Etxeberria (Ziga), Hodei Ezpeleta (Eibar), Oier Kañamares (Arostegi), Mikel Larrañaga (Azpeitia), Julen Larrea (Barakaldo), Ugaitz Muguerza (Mutriku),  Eneko Otaño (Beizama), Jon Rekondo (Leitza), Iker Vicente (Otxagi) eta Xabier Zaldua (Zumarraga).

Sarrera orokorrak online eros daitezke. Prezio murriztukoak (erretiratuak / 6,50€) Victoria Eugenia Antzokiko leihatiletan soilik, uztailaren 1etik aurrera.

Probaren egunean, sarrerarik izanez gero, Victoria Eugenia Antzokiko leihatilan eta Trinitate plazan bertan erosi ahal izango dira.