Sarrerak
San Sebastián, ciudad de la cultura

Nagore Legarreta argazkilariaren "Irudi kontakizunak eta jolasak" tailerra Youtuben

Asteazkena, 2020(e)ko Urria(r)en 07-(e)an

Nagore Legarreta argazkilariak museoan eskaini ohi duen tailerra egokitu eta Youtube kanalera igo du San Telmok. Gabriela Cendoya Bergarecheren bildumako argazki-liburu batzuen irakurketa oinarri hartuta, hainbat sormen ariketa proposatzen ditu publiko orokorrari zuzendua. Hala, argazki-liburuen lengoaia eta bildumako ale batzuk ezagutzeko aukera ere bada.

Nagorek lau argazki-liburu aurkezten ditu eta horietako bakoitzean familian edo banaka egiteko ariketa errazak planteatzen ditu. Hauek dira liburuak: Jason Fulford-en  eta Tamara Shopsin-en This equals that, Cristina de Middel-en Party: quotations from Chairman Mao TseTong, Soraya Vasconcelos-en Flip-bang, eta Daví Martí-ren Hanami.

Amaieran, Lewis Bush-en A zine binding guide liburuan oinarrituta, koaderno bat nola egin eta enkoadernatu erakusten du, argazkiz, hitzez edo marrazkiz betetzeko.

Liburu horiek San Telmo Museoko liburutegian kontsulta daitezke.

Iruzkina idatzi

Segurtasun kodea
Freskatu