Sarrerak
San Sebastián, ciudad de la cultura

San Telmo Museoak Flamenco experimental. Rosario Escudero performancea aurkeztuko du

Ostirala, 2022(e)ko Martxoa(r)en 04-(e)an

Datorren ostegunean aurkeztuko da San Telmo Museoan Flamenco experimental. Rosario Escudero performancea. Performance honetan, Rosario Escuderoren Expresión plástica del cante jondo. Flamenco experimental pieza artistikoari egindako ikerketa-lana aurkeztuko da.

Performancean Rosario Escuderoren jatorrizko bi dantza egingo dira, Maria Paz Jiménezen "Mari Paz" koadroetako baten aurrean (dantzariaren jantziak ere diseinatu zituen Mari Pazek). Jatorrizko emanaldietako argazkietan eta zirriborroetan oinarrituta erreproduzitu diren jantziak erabiliz, Lucía Álvarez La Piñonak performancea egingo du, jatorrizko binilozko musika-piezak erabiliz, musika eta jantziak tartekatuko ditu. Mari Pazen koadro baten tamaina bera duen egurrezko taula baten gainean egingo du dantza La Piñonak. Argiztapen gisa, kontraste nabarmeneko argiak erabiliko dira.

Rosario Escuderoren Expresión plástica del cante jondo. Flamenco experimental obra aurkeztu zen 1961 eta 1963 artean Irungo Arte Astearen esparruan, Madrilgo Biosca Galerian, Kordobako Unibertsitateari lotutako Illescas arte aretoan, eta Arte Modernoko Museoan eta Pariseko Chopin-Pleyel aretoan. Antzeztutako pieza pizgarri bat izan zen, emakume ijitoek abangoardiako artean zituzten egiteko moduak ikusarazten baitzituen, non, berria eta zaharra berrinterpretatzean, berez, bizitza ematen baitzitzaien inoiz existitu ez ziren forma berriei.

Proiektua Pedro G. Romero arte kritikari eta ikertzaileak komisariatu du Pie.fmc-rentzat, eta San Telmo Museoak ekoiztu du.

Baginen Bagara erakusketaren baitan programatuta dago.

  • Noiz: datorren ostegunean, martxoak 10
  • 19:00etan
  • Lekua: museoko elizan, behe-koruan
  • Sarrera librea izango da lekua bete arte

Iruzkina idatzi

Segurtasun kodea
Freskatu