Sarrerak
San Sebastián, ciudad de la cultura

Erregeen Kabalgata

2019ko Erregeen Kabalgata

Aurten, Ekialdeko Errege Magoak Miramar Jauregiko lorategietara helduko dira goizeko 11:00etan.

Gerora, iaz egin bezala, Erregeek bisita bat egingo dute Donostiako auzo batzuetara; konkretuki Egia, Intxaurrondo, Bidebieta, Martutene, Loiola eta Amara bisitatuko dituzte.

11:30ean            Egia (gelditu gabe)
12:00etan Sagastieder plaza (Intxaurrondo)
12:30ean Juan XXIII plaza (Bidebieta)
13:00etan Martutene
13:30ean Loiola (gelditu gabe)
13:45ean Irun plaza (Amara)
14:15ean Udaletxea

Errege Magoak goian zehaztutako tokietan geldituko dira, eta bertan Errege Postariek (aurten aterako dira bigarren aldiz Erregeen Segizioan) hartuko dituzte toki horietara hurbilduko diren haur guztien gutunak; gero, zorro handietan eramango dituzte. Ibilaldian, Ekialdeko Magoek agurtuko dira beren ibilgailutik Donostiako auzoetan barrena topatuko dituzten guztiak.

Gerora, 14:15ean Errege Magoak udalera helduko dira, eta hor udaleko ordezkariak agurtu egingo dituzte eta, atsedenaldi labur baten ondoren, 15:30ean ekingo diote ohiturazko Udalbatza Aretoko harrerari. Harrera hori 17:30 arte iraungo du.

Kabalgata 18:00etan hasiko da, eta hiriko erdialdeko kaleak zeharkatuko ditu. Kabalgatan, Erregeen bidelagun joango dira  trikitilariak, txarangak, suhiltzaileak, Tren Turistikoa, Autobus Turistikoa, Dbusen autobus hibrido bat, eta Errege Mago bakoitzaren pajeak zein errege postariak. Desfilean ez dira faltako ere abere taldeak. Guztira, 500 bat parte-hartzaile aterako dira. Errege Magoak 2.500 kilo gozokiz zamatuta etorriko dira, eta horiek karrozetatik haurrei botako dizkiete. Gozoki guztiak egokiak izango dira pertsona zeliakoentzat. Are, 10 kilo gozoki egongo dira diabetikoentzat Udalbatza Aretoko harreran.

Kabalgata 19:00 inguru amaituko da eta, ondoren, Ekialdeko Errege Magoek hainbat ospitale bisitatuko dituzte.

 

reyes20161 

 

 

 Errege Magoen bisita

 

reyes20162
reyes20163