Sarrerak
San Sebastián, ciudad de la cultura

Santo Tomaseko Feria

Euskal Herriko XXV. Txistorra lehiaketa

2020ko abenduaren 18an, ostirala,  Donostia/San Sebastián Festak-ek Euskal Herriko  XXV. Txistorra Lehiaketa antolatuko du. Lehiaketa, arratsaldeko 17:00etatik aurrera, Donostiako Basque Culinary Centerren egoitzan ospatuko da. Izen emateko epea 2020ko abenduaren 4ko 14:00ean bukatuko da.

Festaren historia

XIX. mendearen erdialdean, Gipuzkoako landa-finka gehienak maizterrek lantzen zituzten, eta euren errentak Santo Tomas egunean ordaintzen zituzten. Jabea Donostian bizi zen. Horrela, Santo Tomas egunean baserritarrak hirira joaten ziren errenten diruarekin eta kapoi pare batekin. Jabeek, esker ona erakusteko, bakailaoa eta txokolatea oparitzen zieten.

Baserritarrek hiriburura egiten zuten bidaia euren herrietan ez zeuden gauzak erosteko eta baserriko produktu onenak saltzeko aprobetxatzen zuten. Hori horrela, feria bat antolatu behar izan zuten, Santo Tomasekoa sortuz Donostiako Konstituzio plazan.

Gipuzkoako udalerrietako garraioa hobetu zutenean Feria jada ez zen premiazkoa. Hala ere baserritarrak ohiturei eutsi zien eta Santo Tomas egunean Donostiara joaten jarraitzen zuen. Eta Feriak gaur arte iraun du bizirik.

Hasieratik ohikoa izan da txorizo frijitua ogiarekin jatea, eta festa honen protagonistak haurrak ziren. Eurei opari zaratatsuak egiten zizkieten. Hala ere, tradizio hori urteekin desagertu egin bada ere, gaur egun oraindik irauten duten hainbat berrikuntzak sartu zituzten, hala nola, baserritarrez janztea, jatorrian plazan ikusten ziren jantziak imitatuz. Beste ohituretako bat da ikasleek euren ikasketa amaierako bidaia ordaintzeko Konstituzio plazan txistorra-postuak jartzea. Plaza txiki geratu zenean festa hiriko beste hainbat lekutara zabaldu zen.