Sarrerak
San Sebastián, ciudad de la cultura

Euskal Jaiak

Iraileko Kultur Ekintzak 2021

Aste Nagusiarekin gertatu den bezala, aurten ere ez da Euskal jairik izango. Hala ere, Donostia Festaketik, iaz egin genuen bezala, formatu txikiko kultur jardueren programa bat prestatu dugu, estropaden bi igandeen inguruan, eta nahi duen orok parte hartu ahal izango du, aurreikusitako edukiera bete arte.

2021eko egitaraua

 

2021eko Dantza Sueltoko Txapelketa

Donostia San Sebastian Festak-ek antolaturik eta Euskal Dantzarien Biltzarraren laguntzarekin, Donostiako Dantza Sueltoko Txapelketa ospatuko da Trinidade plazan irailaren 4an, arratsaldeko 18:00etan. 11 bikote parte hartuko dute.

Historia

Gipuzkoako Foru Aldundiak 1896. urtean "Fiestas Euskaras" izenekoak sortu zituen. Bertan nekazaritza-lehiaketak antolatzen zituzten. Horretaz gain literatura-lehiaketa, dantza eta herri-kirolak antolatzen zituzten, euskal ohiturak eta folklorea goretsiz.

1893. urtean Antoine D´Abbadiek, Sara, Donibane Lohitzune eta Urruñako euskal festen sortzaileak, euskal festa antolatu zuen Azpeitin. Ekimen horri Gipuzkoako Aldundiak heldu eta Arrasaten lehen aldiz euskal festa antolatu zuen. Hurrengo urteetan beste hainbat herritan antolatu zituzten.

Jose Antonio Begiristain alkatearen ekimenez, 1927ko irailaren 8a eta 18a bitartean, Donostiak lehen Euskal Astea antolatu zuten. Hurrengo urtean, Donostiako Kultur eta Turismo Ekintzetxearekin batera Aldundiak ere batzorde antolatzailean hartu zuen parte. Gerra zibilak Euskal Festa hauen bigarren etapa eten zuen arren, 1940. urtean, El Diario Vasco eta Kultur eta Turismo Ekintzetxea Euskal Aste hau berreskuratzen saiatu ziren.

1961. urtean Asteari bere jatorrizko izena jarri zioten: Euskal Jaiak edo Fiestas Euskaras. Izen hori izango du 1985. urtera arte. Etenaldiaren ondoren, 1994an Parte Zaharreko hainbat elkartek jai hauek berreskuratu zituzten eta KTE, Parte Zaharreko Jai Batzordearekin batera, berriz antolatzen hasi zen.