Sarrerak
San Sebastián, ciudad de la cultura

Kontxako Bandera

regatas

Donostiako estropadak urtero egiten dira iraileko lehen bi igandetan Kontxako badian. Lehen igandearen aurreko ostegunean, Kantauri itsasoko ertz osoko traineruek –24 arte– lehiatzen dute denboraldiko estropada ospetsuenean parte hartzeko jokoan dauden zazpi plazetako bat eskuratzeko. 2020ko edizioan, Kontxako bandera egingo da, baina beste modu batera, COVID 19ren ondorioz; bi sailkatze-estropada izango dira, irailaren 2an emakumezkoen modalitatea eta irailaren 3an, gizonezkoena, eta beste bi jardunaldiak irailaren 6an eta 13an ospatuko dira.

2020ko Kontxako Banderaren edizioa jenderik gabe eta segurtasun neurri handienekin egingo da, COVID-19ak eragindako osasun egoeraren ondorioz. Guztira, 40 ontzi lehiatuko dira plaza bat lortzeko, gizonezkoen eta emakumezkoen modalitateetako bi txandetan. Estropada honetan antolamendu-aldaketak egingo dira, eskatzen diren osasun-neurriak betetzen direla bermatzeko.

Ildo horretatik, Donostiako Udalak dei bat egin die tradizioz hitzordu honetara etorri izan diren milaka zaleei, aurten proba etxetik jarraitu dezaten, eta ez daitezen Gipuzkoako hiriburura joan, ez ontziak animatzera, ez ondorengo jaian parte hartzera.

2020ko Kartela - "Salto"

cartel bandera concha 20

Egilea: ELOÍSA BIELSA GUTIÉRREZ

Traineru baten brankariaren ikuspegi zehatza, ontziak itsaso astinduan olatu bat salto egiten duen unean.
Ilustrazio minimalista da, eta mugimendua, itsasoaren ehundurak eta aparra, eta arraunlariaren trebezia eta kontzentrazioa itsasoaren indarraren aurka islatzen ditu.

Eloísa Bielsa Gutiérrez Burgosko ilustratzailea da.
Burgos hiriburuko hainbat enpresatan diseinatzaile grafiko gisa lan egin ondoren, duela 10 urtetik ilustratzaile autonomoa da nazioarteko bezeroentzat, batez ere Erresuma Batukoentzat.
"La Historia de Castilla y León", "La Geografía de Castilla y León", "La Tradicion en Castilla y León" eta "los Siete Infantes de Lara/los Romances, Unidad Didáctica" liburuak ilustratu zituen.
Aurretik kartelgintzako hainbat sari irabazi ditu, hala nola Amorebieta-Etxanoko jaietako kartela 2010ean eta Soria Hiria Film Laburren Lehiaketaren kartela bi aldiz, 2013an eta 2015ean.

2020ko Kontxako Bandera: Oinarriak

2020ko Kontxako Banderaren sailkatze-estropada: Parte-hartzaileak

2020ko Kontxako Banderaren sailkatze-estropada: Taldeak

2020ko Kontxako Bandera: Estropada Eremuen Planoak

2020ko Kontxako Bandera: Sailkatze-estropadaren denborak eta irteera ordena

2020ko Kontxako Bandera: Lehenengo Jardunaldiaren denborak eta txandak

2020ko Kontxako Bandera: Bigarren Jardunaldiaren denborak