Sarrerak
San Sebastián, ciudad de la cultura

Egitaraua eta Kartela

2019ko Aste Nagusia

Aste Nagusia, beti, abuztuaren 15a barne hartzen duen astean ospatzen da, larunbatetik larunbatera. Datorren urtean, 2019an, hil horretako 10etik 17ra izango da. Egun horietan hiri osoa festaz janzten da eta jendea erakartzeko ehunka ekitaldi aurkituko ditugu.

 

2019 Aste Nagusiko III. Zurriola Street Food

Aste Nagusia 2019ren harira (abuztuak 10-17, biak barne), Donostia / San Sebastián Festak-ek III. Zurriola Street Food antolatuko du. Ferian parte hartzeko eskaria egin dezakete kalean elikagaiak egin, saldu eta/edo sustatzen dituzten pertsona fisikoek zein juridikoek, food truck delakoak erabiltzen badituzte horretarako.

Eskaria aintzat hartua izan dadin, parte-hartze formularioa aurkeztu beharko dira, halabeharrez, 2019ko apirilaren 26ko 13:30ak baino lehen.

Txosnen instalazioa Saguesen 2019

2019ko Aste Nagusian jai-giroa sortzen laguntzeko helburuarekin, Donostia/San Sebastián Festak-ek Saguesen 5 txosna jartzeko oinarriak argitaratu ditu. Oinarrietan agertzen diren baldintzak betetzen dituzten irabazi-asmorik gabeko Donostiako elkarteei dago zuzendua deialdia eta eskabideak aurkezteko epea maiatzaren 2an, eguerdiko 13:30ean, amaituko da.

2019ko Aste Nagusian Saguesen txosnak jartzeko oinarriak (pdf, 371 KB)

Aste Nagusiko DJ Gazteen IV. Erakustaldia 2019

DJ gazteen musika-produkzioa ezagutzera ematen laguntzeko helburuarekin, Donostia/San Sebastián Festak erakundeak (Gazteriako udal sailaren eta FNACen laguntzarekin), Aste Nagusiko DJ gazteen IV. Erakustaldia Kursaaleko terrazetan egitea proposatzen du. Izen-emateak apirilaren 16tik maiatzaren 12ra egingo dira.

2019ko Kartela -  "Txuri - Urdin"

 

KARTELA-STE-NAGUSIA2019web

Egilea: JOSÉ RAMÓN LUNA DE LA OSSA (Madril)

Festa alaitasuna da, esperientzia berriak biziko dituzten haurrak, haurtzaroko une estimatuenetara itzuliko diren helduak,… hamaika istorio ea bizipen, eta bertan ILUSIOA ezinbesteko elementu komun bihurtuko da.

Oro har irudiaren eta, bereziki, argazkigintzaren zale amorratua, esparru honetan, argazkigintza profesionalean, publizitate-arloan, argazkigintza digitalean eta erreportaje sozialaren arloan prestakuntza bikaina eta luzea dauka Komunikazio, Irudi eta Soinuko Goi Eskolan (CEV, Madril), eta Argazkigintza Artistikoan Goi-mailako Teknikaria da Jose María Cruz Novillo Arte Eskolan (Cuenca). Eta prestaketa hori guztia, Estatuko artista entzutetsuenen eskutik egindako master class, mintegi eta tailerrekin osatu du. Irudiaren munduan ibilbide luzearekin, bere obrak erakunde askotan daude. Denbora honetan nazio- eta nazioarte-mailan 400 sari baino gehiago eskuratu ditu.

 

Aurreko edizioak

2017

Aste nagusia 2017

2018

miniaturaastenagusia