Paul Caballero Barturen

Hiru hilabetero, irudigile baten lana eskaintzen du Ilustratzailearen Txokoak. Oraingoan Paul Caballero Barturen txanda da.

Bilbon Arte Ederrak ikasi zituen Euskal Herriko Unibertsitatean. Behin ikasketak bukatutakoan Madrilera joan eta ESDIP eskolan ilustrazio eta animazioan espezializazioa egin zuen hiru urtez. Bertan, lehenengo ilustrazio lanekin hasi zen Grup Lobher argitaletxeko liburuen azalak egiten.

Bilbora bueltatzerakoan irudigile profesionala bilakatu zen, Carmen Villanueva idazlearekin batera ipuin bilduma berria sortuz: Terapicuentos, Ediciones Fortuna.

Irudigile freelance modura hainbat enpresentzako egin ditu lanak: Athletic Club, RTVE Qué animal programarako, Smithsonian Museoa, Portugaleteko zubia (Puente Bizkaia), BCBL, Euskaltel, El Correo, Santillana, Elkar...

2018an Txema Pinedoren testu bat ilustratu zuen, La canción de Bruna album ilustratua sortuz eta argitaletxeen mundura bueltatuz.

Live-painting saioetan aritu da, zuzenean irudikatuz. Bilboko Gau Zurian bi urtez parte hartu du udaletxeko eraikina mapping teknikaren bitartez margotuz.

Bere ibilera profesionalarekin batera, Bilbon irudigile eskola profesionala sortu du, CMYK escuela de ilustración digital izena duena.

Erakusketaren ordutegia:

Asteartetik ostiralera: 16:00-20:30

Larunbatak: 10:00-14:00, 16:30-20:00

Igandeak: 10:00-14:00

Astelehenetan eta jaiegunetan itxita.

Aste Santuko ordutegia

Martxoa 30–31: 10:00-14:00

Apirila 1–5 Itxita

Apirila 6–9: 10:00-14:00

Astelehenetan eta jaiegunetan itxita.