Jorge Oteiza eta Eduardo Chillida. Dialogoa, 50eko eta 60ko urteetan

Bisita gidatuak

Publiko orokorrarentzat programatutako asteko bisitak, apirilaren 16tik aurrera.

• astearteak: 10:30 (cas), 18:00 (eus)
• larunbatak: 10:30 (eus), 18:00 (cas)
• Bisita gidatuak doakoak dira, baina museorako sarrera eskuratu behar da.
• Bisitarako lekua aurrez erreserbatu behar da webgunearen bidez.
• Audiogida: Doan, eskuragai SAN TELMO MUSEOA APP-an (Jaitsi SAN TELMO MUSEOA APP-a doan, Android + IOS)
• Eskolentzat eta aisialdi taldeentzat, hitzordua hartuta: 943 48 15 61,stm_erreserbak@donostia.eus

Erakusketa zure kasa

Erakusketa zure kasa Oteiza eta Chillidaren erakusketan sakontzeko norberak landu dezakeen ibilbide didaktikoa da. Baliabide hau bai familiei bai hezkuntza zentroei zuzendua da. Ezagutu eta jaitsi.

Jorge Oteiza eta Eduardo Chillida. Dialogoa 50eko eta 60ko urteetan

Komisarioa: Javier González de Durana

Jorge Oteiza eta Eduardo Chillida. Dialogoa 50eko eta 60ko urteetan erakusketa San Telmo Museoan ikusgai izango da 2022ko apirilaren 9tik urriaren 2ra. Erakusketa honek mugarri bat eskaintzen du artearen historian, lehenengo aldiz, Oteizaren eta Chillidaren obra elkarrekin aurkeztean. Erakusketa berri honek bi artisten erakunde legatudunen adostasuna eta lankidetza jaso du, bai Jorge Oteiza Fundazio Museoarenak (Altzuza, Nafarroa) eta Chillida Lekurenak (Hernani, Gipuzkoa), eta XX. mendeko Europako eskulturan funtsezko bi figura hil zirenetik ia hogei urte igaro direnean aurkezten da.

Javier González de Durana komisario duen erakusketak dialogo bat pizten du haien eskulturen artean; bi hamarkadatan -50eko eta 60ko urteak- egindako sorkuntza-lanean oinarritua. Hain zuzen ere, garai hartan elkar ezagutu zuten Oteizak eta Chillidak, eta adiskidetasun harremana izateaz gain, bakoitzak arreta eta interes handiz ikusi zuen bestearen obra. Erakusketako ibilbideak beren pentsamendu estetikoen eta eskultura-lanen arteko elkarrizketa bat eskaintzen du, Oteizaren metafora paradigmatikoak eta Chillidaren metonimia sintagmatikoak maila berean agerian utzita.

San Telmo Museoak antolatutako erakusketa, Bancaja Fundazioaren laguntzarekin.

• Zatoz bisitan: asteartetik igandera 10:00 - 20:00 (jai egunetan zabalik)