Sarrerak
San Sebastián, ciudad de la cultura

Nosferatu

zinemaldia-70-banner cuadrado 2

1989. urteaz geroztik, Nosferatu programazioak urte osoan barrena zinema-zikloak eskaintzen ditu. Nazionalitate eta garai desberdinetako zuzendariak (Wim Wenders, Yasujiro Ozu, François Truffaut, John Huston…), zinematografiak (afrikarra, hego korearra, frantziarra), garai historiko zehatzak, ziklo tematikoak izan dira orain arte antolatu diren 50 atzera begirako baino gehiagoren protagonistak. Zikloekin batera, gai berari buruzko liburua (lehen aldizkaria zena) argitaratzen da.

ZINEMALDIA 70

2022ko urtarrila-abendua

Tabakalera

"Zinemaldia 70" Nosferatu zikloa, Donostia Kulturak, Euskadiko Filmategiak eta Donostia Zinemaldiak antolatua, Tabakaleraren eta Institut Valencià de Cultura – Filmoteca de la Generalitat Valenciana-ren lankidetzarekin, 2022ko urtarrilaren eta abenduaren artean garatuko da. Hamabi hilabete horietan zehar hurbilketa bat eskainiko du Donostia Zinemaldiaren historiara eta, hartara, 40 film inguru proiektatuko ditu, 1953az geroztik bere programatik igarotakoak, eta batez ere sail ofizialen eta zuzendari berriei eskainitakoen artetik aukeratuak.

Zikloarekin batera bi liburu editatuko dira, bata gaztelaniaz eta bestea euskaraz, Zinemaldiaren historiak inspiratuak. Lehena, Zinemaldia 1953-2022. Singularidades del Festival de Donostia / San Sebastián, Colección Nosferatu-ren 18.a, Quim Casasek koordinatu du eta urtarrilean argitaratuko da. Bigarrena, Katixa Agirrek idatzia, Nosferatu Bildumaren 10.a, 2022aren amaieran editatuko da.

2022ko zine-bonua eta sarrerak

Zine-bonu berriarekin, 2022an Tabakalerako pantaila partekatuko erakunde bazkideek (Donostia Kultura, Euskadiko Filmategia, Elías Querejeta Zine-Eskola, Donostia Zinemaldia eta Tabakalera) programatutako 40 film ikusi ahal izango dira 120 €-ren truke, 2022an Donostiako Zinemaldiaren barruan programatutako filmak izan ezik. Bonuarekin batera Nosferatu "Zinemaldia 70" zikloaren gaztelaniazko argitalpena edo Harkaitz Canok euskaraz idatzitako Kandelikara, Luis Buñuel zuzendariari buruzko liburua jasoko dute erosleek.

Bonua 2021eko abenduaren 22ko eguerdiko 12:00etatik 2022ko urtarrilaren 31ko eguerdiko 12:00ak arte erosi ahal izango da, Tabakaleraren webgunean eta bertako Info Puntuan. Leku horietan bertan urtarrileko proiekzioetako sarrerak egongo dira eskuragarri. Sarrera horiek, urte aldaketa tarteko, 4 euro balioko dute.

Argazkia: Kutxateka / Foto Marín Funtsa / Paco Marí

Le Testament d'Orphée
Zinema

Tabakalera
Urtarrila 26
America, America
Zinema

Tabakalera
Otsaila 02
Gamlet
Zinema

Tabakalera
Otsaila 09
El Dorado
Zinema

Tabakalera
Otsaila 16
The Touch
Zinema

Tabakalera
Martxoa 02
Vera, un cuento cruel
Zinema

Tabakalera
Martxoa 09
El desencanto
Zinema

Tabakalera
Martxoa 16
Die verlorene Ehre der Katharina Blum
Zinema

Tabakalera
Martxoa 23
Olyan, mint otthon
Zinema

Tabakalera
Martxoa 30