• Harremanetarako

• es
• fr
• en

XXIII: dFERIAn, 30 ikuskizunen 35 emanaldi programatu ziren 11 eszenatokitan: Victoria Eugenia Antzokia, Victoria Eugenia Club, Antzoki Zaharra, Gazteszena (Egia), Imanol Larzabal (Lugaritz), Intxaurrondo K.E., Tabakalerako Patioa, Zabaltza eta 1. guneak eta DSS2016 Guneko Hangarra. Guztira, 8.007 lagunek programatutako emanaldiez gozatu ahal izan dute eta, batez besteko guneen betetze maila % 85koa izan zen..

Guztira, 13.000 lagunek parte hartu zuten ferian, ikuskizunetako publikoa eta jarduera paraleloetako parte-hartzaileak kontuan hartuta, aurreko urteko parte-hartzea hobetuz, 5 emanaldi gutxiago izan ziren arren. Sarrera salmentari dagokionez, azkeneko urteetako joera mantentzen da.

Akreditatu kopuruari dagokionez, 423 profesional izan ziren guztira. 2016Ko kopurua %5 handitu da: 159 programatzaile, 53 banatzaile, 138 ekoizle eta konpainien ordezkari, 20 kazetari eta bestelako 53. Espainia, Polonia, Eslovenia, Kroazia, Holanda, Mexiko, Uruguai, Argentina, Frantzia, Dominikar Errepublika, Brasil, E.E.B.B., Costa Rica, eta Kolonbiako programatzaileak izan ziren dferian.

Jarduera paraleloetan 5.113 lagunek parte hartu zuten:

• COFAEk antolatu eta Pepe Zapatak emandako Nola erabili Email Marketinga gure komunikazio-estrategia optimizatzeko ikastaroa: 30 lagun.
• Negozio foroa 1: 110 lagun.
• Negozio foroa 2: 110 lagun.
• ADDE, Euskal Herriko Dantza Profesionalen Elkarteko katalogoaren aurkezpena: 280 lagun.
• Nafarroako Gobernuko Kultura Zuzendaritzaren aurkezpena: 280 lagun.
• PATEA, Kaleko Arteen Elkartearen aurkezpena: 280 lagun
• REDELAE, Arte Eszenikoen Sare Eurolatinoamerikarraren aurkezpena: 280 lagun.
• SAREAren asanblea: 46 lagun.
• RED, Antzoki sarearen bilera: 10 lagun.
• RED Española, Espainiako Antzokien Sarearen topaketa: 25 lagun.
• Bideratzaileak; 500 lagun.
• ESKENAren bilera: 12 lagun.
• Ikerne Jiménezen Inoiz egin ez ditudan lanak erakusketa: 1.000 lagun.
• Eguneko topagunea: 1.000 lagun.
• • Gaueko topagunea: 800 lagun.

Nobedadeak

• Bi negozio foro antolatu ziren VEAko Foyerrean.
• Ferian akreditatuko pertsonentzako 2 bideratzaile jarri dira, Espainia mailako profesionalak bideratu eta harremanetan jartzeko bat (COFAEren lankidetzari esker), eta nazioartekoekin lan berbera egiteko bestea.
• Bi gune berri erabili ziren: Tabakalera Zabaltza eta Tabakalera 1. espazioa.
• dFERIA abroad.

Programazioa

30 ikuskizunen 35 emanaldi programatu dira. Horietatik, % 60a modu bateko edo besteko estreinaldiak izan ziren:

• Estreinaldi orokorrak: A corps perdus Opus 2 (Cie. Bivouac), Medea (Pilar Távora), Hagiografía (De la Puríssima), One Way Ticket (Kanpai), Sólo una actriz de teatro, Estela Medina (Compañía Reverso).
• Gaztelerazko estreinaldiak: Resaca (ilMaquinario Teatro), Soka (Tanttaka Teatroa & VEA).
• Euskal Herri mailako estreinaldiak:Gold Dust Rush (Eulália Bergadà), Tiempo (Teatre de guerrilla),The Primitals (Primital Bros & Yllana), Sedientos (Cía. Ferroviaria), Los malditos (Unahoramenos produciones), Tejidos al tiempo (Choni Cía. Flamenca).
• Estatu mailako estreinaldia:Phalène (Cie Gregorie - Muriel Corbel).
• Europa mailako estreinaldiak:La sangre de los árboles (Compañía Reverso,Urugauay), Flores ácidas (Grupo Las damas, Argentina), Inestable (Suttotos, Argentina).
• Work in progress bat: Topa, Kukai Dantza & Brodas Bros.

Euskaraz bi emanaldi izan ziren: Koadernoa zuri, Hika Teatroa eta Hariak, Ertza Konpainia.

Konpainiek dFERIAren aldeko apustua egin zuten, euren ikuskizunen estreinaldietarako erakusleiho gisa hartuta.%50 antzezlanak izan ziren, %40 dantza ikuskizunak eta gainerako %10, diziplina anitzekoak. Jatorriari dagokionez, %54 euskal ekoizpenak izan ziren, %26 espainiarrak eta %20 atzerrikoak.

Ondorioak

XXIII. DFERIA arrakasta handiz bukatu zen, konpainien maila artistiko handiari esker. Arte eszenikoen sektoreak feriarekiko erakutsi zuen atxikimendua handia izan zen, eta publikoaren harrera, bikaina.

dFERIAra hurbildu ziren ikusle eta profesional kopuruak gainditu egin zuten aurreikusitakoa. Azpimarratzekoa 2014tik % 40 hazi zela akreditatutako profesionalen kopurua. Bestalde, aurkeztutako ikuskizunek kalitate handia izan zuten, eta euskal antzerkiaren eta dantzaren mailaren erakusgarri izan ziren, bai ikusleentzat, bai komunikabideentzat, bai profesionalentzat. Nabarmentzekoa izan zen, halaber, nazioarteko aintzatespena lortu zuten zenbait artista eta ikuskizun izan zirela gure artean.

Duela zenbait edizio finkatutako erronka guztiak gainditu ziren, eta, hala, kalitatezko programazio berritzailea eskaini zen, eta orekatua, dantza eta antzerkiari begira. Guztion artean –sektorea, administrazioak, prentsa eta ikusleak-, ezagutzera eman zen dFERIAk egiten zuen lana antzerki eta dantza arloa sustatzen eta bistaratzen.

dFERIAk ahalbidetu zituen eta oraindik ere ahalbidetuko dituen salerosketen aurreikuspen-datuei begira ere, baikorrak izateko motiboa dugu.

Atzerritik etorritako zenbait profesionalek, bestalde, berriz ere interes handia azaldu zuten euskal antzerkia eta dantza beren herrialdeetan programatzeko.

Horrenbestez, nabaria da dFERIA errotzen ari dela, eta lau berritasun nagusi azpimarratuko ditugu:

• Espainiako egileen lana sustatzeko SGAE Fundazioarekin luze egindako elkarlanaren emaitza gisa, beste espazio bat sortu zen: Antzoki Zaharra-SGAE Fundazioa.
• Negozio-foroek profesionalek elkar ezagutu dezaten ahalbidetu zuten, eta proiektu eta ikuskizun berriak sustatzeko aukera eskaini zuten. Ezinbestekoa iruditzen zaigu lan-ildo hori jorratzen jarraitzea, elkar lanerako eta merkataritza-trukerako bideak zabaltzeko.
• Ildo horretan, azokak 2017an lehen aldiz izan zituen bi bideratzaileen funtzioa oso garrantzitsua izan zen; izan ere, bitartekari-lanak egin zituzten elkar ezagutzen ez zuten profesionalak harremanetan jartzeko eta haien arteko topaketak bideratzeko. DFERIA pixkanaka-pixkanaka gora doa, gero eta profesional gazte gehiagok parte hartuko dute bertan, eta, horregatik, bitartekaritza-lana gero eta beharrezkoa izango da.
• dFERIA abroad proiektuaren bidez, bestalde, beste dimentsio bat eman zitzaion dFERIAri berari eta haren eginkizunari, aukera izango baitugu urtean zehar munduko beste leku batzuetara joateko eta gure lana zabaltzeko. Elkarlanean ariko gara nazioarteko jaialdi eta azokekin, euskal konpainien sorkuntza-lanak ezagutarazteko eta haientzako merkatu berriak zabaltzeko. Hala egin genuen 2017n: uztailean, San José de Costa Rican izan ginen, eta, abuztuan, Montevideon (Uruguai). dFERIA azoka mundura zabaltzeko proiektu originala da dFERIA abroad; eraginkorra izan dadin espero dugu.

dFERIA errotzearen aldeko erronkan, berebiziko garrantzia du, orobat, aurreko edizioetan emaitza interesgarriak ekarri zituzten berritasunak indartzea eta sendotzea; hala nola, besteak beste:

• Azpitituluak erabili ziren euskal konpainien obraren batean, Etxepare Institutuari esker.
• Kutxak Tabakaleran duen gunea erabili zen eguneko topagune gisa.

Amaitzeko, zinez eskertu nahi ditugu azken urteetan lankide izan ditugun administrazio-erakundeak: INAEM, Eusko Jaurlaritza eta Gipuzkoako Foru Aldundia. Halaber, ezin aipatu gabe utzi KUTXA, SGAE Fundazioa, DSS2016EU, Etxepare Institutua, OARA (Office Artistique de la Région Aquitaine), AC/E (Acción Cultural Española) erakundeen ezinbesteko lankidetza. Urtero bezala, bereziki eskertu nahi dugu euskal antzerki eta dantza konpainien parte-hartze aktiboa, oro har, eta, zehazki, Euskal Antzerki eta Dantza Konpainien Elkartearena (Eskena) eta Euskal Aktoreen Batasunarena (EAB), hala nola Artez aldizkariarena. Bestetan bezala, haiek guztiek euren alea jarri zuten 2017an, eta ahalegin berezia egin zuten, baita ekonomikoki ere. Esker ona adierazi nahi diegu, halaber, komunikabideei eta bertako profesionalei dFERIAri emandako babesagatik, eta, azkenik, eta batez ere, publikoa eskertu nahi dugu: izan ere, azken urteetako joera jarraituz, haiei esker ikuskizun-aretoak beteago daude urtetik urtera, eta hori ezinbesteko erronka eta akuilu bihurtu da etorkizuneko edizioak antolatzeari begira.