Sarrerak
San Sebastián, ciudad de la cultura

Erakundearen egitura eta balantze ekonomikoa

ESTRUCTURA EUS

Donostia Kulturako barne planak

    • Euskararen Erabilera Plan Zehatza: 2013an Euskararen Erabilera Normalizatzeko Plana diseinatu eta onartu zen, 2014an euskararen egoeraren diagnostikoa osatu zen eta Erabilera Plan Zehatza definitu zen 2014-2019 tarterako. 2017an Erabilera Plan Zehatzaren garapena indartu zen.
    • Emakumeen eta Gizonen Berdintasunerako I. Plana:2014an Emakumeen eta Gizonen Berdintasunerako I. Plana (2014-2017) onartu zen eta 2017 urte garrantzitsua izan zen haren garapenean. Donostia Kulturak egiten dituen ekitaldien bidez ere berdintasunaren aldeko lana egiten da eta horren adibide da Emakumezkoan Kontxako Banderaren 10. urteurrena dela eta 2017an egindako erakusketa, arraunean gizon-emakumeen arteko berdintasuna aldarrikatzeko.

Nazioarteratzea, gero eta indartsuago

Aurreko urteetako joerari jarraituz, 2017an nabarmendu egin zen zeharo Donostia Kulturak nazioarteratzearen esparruan egindako bidea. Pafos (Txipre), Aarhus (Danimarka), Lisboa (Portugal), Dublin (Irlanda), Milan (Italia), Husum (Alemania), Bitola (Mazedonia), Leewarden (Herbehereak), La Valeta(Malta) Leeds (Britainia Handia), besteak beste, izan ziren gure erakundearen presentzia ezagutu zuten hiriak. Horietan azpimarratu behar dira, Aaarhus, Leeds edo Husum-en Nazioarteko Kongresuetan emandako hitzaldiak.

Bestalde, gurera etorritakoak ere ugari izan ziren. Munduko bazter guztietako ikasleak, Unibertsitateko ikertzaileak eta kultur eragileak hartu genituen: Herbehereak, Kolonbia, Austria, Estatu Batuak, Nikaragua, Frantzia, Frisia, Britainia Handia... Gehienetan, Donostia Kulturaren berri zehatza eman zaie. Beste batzuetan, eta ez gutxietan, Nazioartean Donostia Kulturaren eredua aztergai hartu eta Master edo Doktorego mailako lanak egiten ari dira. Horietan gure aholkularitza eta laguntza osoa eman zitzaien.

Ez da zalantzarik gerora esparru honek indartzera joko duela. Donostia Kulturaren eskarmentuak, tamainak eta eskaintzak Nazioartean interes berezia sortzen du. Nazioarteko egitasmoetarako bazkide fidagarria da, halaxe ikusten gaituzte.