Sarrerak
San Sebastián, ciudad de la cultura

CC Casares-Tomasene

Aurten ziklo sendoak mantendu egin dira eta proposamen berriagoak indartu ditugu, baina horrekin batera, proiektu berriak martxan jarri ditugu lankidetza sarea indartuta, programazioa eta zerbitzua hobetu asmoz.

2014an elkarlanerako bide berri bat sortu nahi izan dugu Altzako ikastola eta ikastetxeekin eta Heziketa Jardunaldiak antolatu ditugu eta horietan, besteak beste, Rafael Bisquerraren adimen emozionalari buruzko hitzaldia izan genuen. Erantzuna ezin hobea izan da, bai irakasle bai gurasoen aldetik eta dudarik gabe jarraipena izango du datozen urteetan.

Ikasleak ere gerturatu dira kultur etxera proposatutako hainbat ekimenetan parte hartzera, besteak beste, artelan bat sortu dute Miguel Moleten laguntzarekin, Zeramika artean jardunaldien barruan.

Altzako eragileekin burututako ekitaldien artean, Natur Astea dugu. Aurten aukera izan dugu bertako hegaztiak ezagutzeko Ugatza elkartearen eta Aranzadiko Juan Arizagaren eskutik. Haurrek ere hartu dute parte Aranzadik gidatzen duen Txoribox programaren bitartez.

 

altza-natur astea
Natur Astea 2014 - Txoribox
Altza - mumusic
Antzerkia kalean - Roda Mon - Grupo Mumusik

Bertsolaritzak toki berezia du programazioan eta Bertso astearen barruan Unai Iturriaga, Anjel Mari Peñagarikano, Alaia Martin eta Unai Agirre bertsolariak izan ditugu, besteak beste.

Urtean zehar, halaber, bertsolaritzari lotutako beste emanaldi batzuk ere izan ditugu: Garai Hura Gara Andoni Egaña eta Xabier Lizasorekin edo Artejiraren barruan Rap eta Bertsoak uztartu zituen saio berezia.

Eremu zabalagoa hartzen duten jaialdien aldetik proposamen interesgarriak iritsi dira Altzara aurten: Musika sakratua edo Abesbatzen Astean Eskifaia eta Choros Amici abesbatzen emanaldiak, Literaktumen barruan Dolores Redondoren hitzaldi arrakastatsua edo Pepín Tre, Oscar Aginagalde eta Ramon Agirreren interpretazioak Poltsiko Antzerkiaren zikloan.                                                               

                                                   tom asene-literaktum
                                                              Dolores Redondo - Literaktum

Olatu Talka jaialdiaren baitan inoiz baina ekitaldi gehiago egin dira: azoka, kontzertuak, tailerrak... Ekimena urtez urte hazten ari da, bai eta parte-hartzea handitzen ere.

Antzerkia Kalean zikloa udan da protagonista eta antzerkira gerturatzeko aukera paregabea eskaintzen du. Mumusic taldearen Roda Mon edo Malas Compañías taldearen Txatarra antzezlanak gure plazetan taularatu dira.

Casares Irratiak Donostialdean sortzen diren lan artistiko eta ekimen berriak aireratzeko bitarteko bihurtzea du helburu eta, horretarako, webgune berria estreinatu du www.casaresirratia.info helbidean. Bertan, zuzeneko emisioa entzuteaz gain, nahieran entzungai eta deskargatzeko moduan dago Casares Irratian ekoizten dugun guztia. Facebook (www.facebook.com/CasaresIrratia) eta Twitter (@dk_casares) kontuak ere sortu ditugu.

irratia
                   Casares Irratia
altzoka
                 Altzoka - Olatu Talka

2014ean 33 irratsaioz osatutako programazioa eskaini dugu. Horietatik 16 saio irratien arteko sarearen bidez eskaini ditugu, eta beste 17 Casaresen ekoiztu dira, irrati-tailerreko partaideek, kolektiboek, irratiko lantaldeak edo sail-arteko lankidetzan eginak.

Ikastaroen eskaintza oparoa ere prestatu dugu, esperientzia handia duten profesionalekin: Forki eta Sergio Errasti, Xabi Unanue, Kiko Jauregi, Inko Martin, Galder Perez, Joxerra Garzia eta Xabier Erkizia.

Eta aipatzekoak dira irratiaren inguruko hainbat emanaldi edo ekitaldi berezi: Kultura irratian: aurrera begirako erronkak irrati-topaketa Arantxa Iturbe, Gorka Bereziartua, Iñigo Astiz eta Gaizka Amondarainen parte-hartzearekin, Motel Hela irrati-antzerkia, Mikel Laboaz: Marisolekin bakarrizketan irrati-performancea eta kalean egindako irratsaio bereziak Olatu Talka edo Artejira jaialdietan.

Plus 55 programak, jarduerekin eta auzoko eragileekin elkarlanean, sendotzen jarraitzen du. Aurten 2.500 pertsona baino gehiagok parte hartu dute 35 ekintzetan. Hileroko ohiko programazioaz gain, nabarmentzekoak dira bereziki Osasun jardunaldiak, orain arteko 7 edizioen asistentziarik handiena izan dutelako, eta Olatu Talkaren barruan antolatzen den azoka berezia, Altzoka, elkarlana bultzatzen duena.

 

tomasene-osasuna-plus55
                  Osasun Jaurdunaldiak - Plus 55
musika sakra
                Musika Sakratuaren XXV. Zikloa

 

Altzako Tokiko Bildumaren zerbitzuaren kalitateak maila ona izan du aurten ere: 1978-1997 urte bitarteko 200 bat berri bildu dira, eta argazkien atalean, aipamen berezia merezi du kirola gaiaren inguruan argazkiak biltzeko martxan jarri den ekimenak. Datu-basean 10.964 dokumentu daude katalogatuta eta horietatik 10.275 web orrian. Bestalde, webaren bisita kopurua oso altua izan da aurten ere, 119.742 bisitatik gora.

Liburutegiak umeengan irakurzaletasuna bultzatzeko ekitaldiak antolatzen jarraitu du Tomasenen, eta horren adibide dira Ipuinaren ordua zikloa, martxoa eta apirila bitartean garatutako Istoriaegileak tailerra edo Ramon Soroizek eskainitako Tramankuluak eskolan antzezlana.

Actividades
  GuztitaEuskaraGazteleraElebiduna 
  KopuruaErabiltzaileakKopuruaErabiltzaileakKopuruaErabiltzaileakKopuruaErabiltzaileak 
Antzerkia 15 2533 9 1587  4 396  2  550
Dantza 2 850 0 0  0 0  2  850
Zine-Bideoa 15 505 5 125 10 380  0   0
Musika 9 815 3 123  6 692  0  0
Hitzaldiak 19 1062
ikastaroak eta tailerral 63 971
Erakusketak 7 800 0 0  0 0  7  800
Bilerak eta eragileen ekitaldiak 1512 10043
Aretoen alokairuak 1 9
Liburutegiko ekotaldiak 36 1093
Beste 17 2172
TOTALA 1696 20853

 

Zerbitzuak
 Kopurua  Erabiltzaileak
TOTALA    30   84961
Liburutegi Bisitariak  75483
Irrati Tailerra     -     299
Tokiko Bilduma     -     283
Plus 55    26     977
Kzgunea     -   7.919
Kzgunea (IT Txartela)    4       33

 

Formakuntza

 GuztiraEuskeraGazteleraElebiduna
 KopuruaErabiltzaileakKopuruaErabiltzaileakKopuruaErabiltzaileakKopurua ErabiltzaileakEma Giz 
TOTALA 124 1195 11 198 38 577 6 56 491  238
Cursos de 2013/2014 27 376 5 105 20 343 2 28 258  118
Cursos puntuales 2014 3 37 2 24 1 15 0 0 16     21
Cursos 2014/2015 25 316 4 69 17 219 4 28 217    99
Cursos de Kzgunea 69 466

 


Bisitariak Guztira
: 119.799