• Harremanetarako

• es
• fr
• en

Donostia Kultura on line

donostiakultura.eus 1.673.258 bisita izan zituen 2014an (aurreko urtean baino % 11,32 gehiago); datu horiek adierazten dute Donostiako eta Donostialdeko kultur eta jai-ataria sendotuz doala.

2014an, honako hauek bisitatu ziren gehien:

1.- DONOSTIA KULTURA AGENDA da oraingoz atariaren erakargarri nagusia, unean uneko eskaintzarik osatuena biltzen baitu.

2.- DKren 84.023 bazkideek aukeran dituzten zozketa eta eskaintza bereziak.

3.- Donostiako Aste Nagusiaren programa (abuztuan)

4.- Ikastaroen eskaintza (irailean)

5.- Donostiako liburutegietako mailegu-kontsultak.

Nabarmentzekoa, halaber, gailu mugikorretatik gero eta bisita gehiago egiten direla webera. Eta donostiakultura.tv ikus-entzunezko webaren jarraitzaileak, 323.481 bisitaldirekin (% 19,76ko hazkundea).

Nabarmentzekoa, halaber, webeko gune berriak garatu izana Donostikluba, Casares Irratia eta Musikagelarentzat... Eta hori baino gehiago, jarraitzaileak ugaritu izana sare sozialetan: Facebook, baina batez ere twitter, komunikazio-kanal eraginkor nabarmena. Donostia Kulturak 58.613 jarraitzaile ditu guztira sare sozial nagusietan: 34.568 Twitter-eko kontuetan, eta 22.240 Facebook-ekoetan.

Honako hauek ahaztu gabe: Donostia Kulturako programatzaileen blogak; besteak beste, Arantza Urkiak sinatua, liburuak gomendatzeko blog irekia, eta Liburutegien ahotsa, biak ere literatur eremukoak; Subtítulos, zinekoa (Josemi Beltrán), Musika Bulegoa (Miguel Martin) eta Arte Eszenikoetako bloga, Eszena, Norka Chiapusoren esku.

Casares Irratiak FM 107,4tik emititzen du, 24 orduz emititu ere

014an, Altzako Casares Kultur Etxean dagoen irrati horren programazioari eutsi zaio; 13 programa ematen ditu astean, hainbat kolektiboren lanari, Irrati Tailerreko kideei eta departamentu arteko lankidetzari esker. Gainera, 2014an Cómo hablar en público con eficacia ikastaroa nabarmendu da, Enrique Pérez Urrestik emana, eta irrati-antzerkiko obra baten aurkezpena: Más allá del umbral.

Argitalpenak

Zine unitatetik, honako hauek argitaratu ziren 2014an: 2014ko Fantasiazko eta Beldurrezko Zinemaren Astearen katalogoa, 2000 Maniacos koprodukzioan, Munstroak (25. urteurrenagatiko albuma) eta honako Nosferatu hauek: De Lumière a Kaurismäki eta Langile-klasea zineman.

Bestalde, Donostia Kulturako Prentsa kabineteak erakundearen ohiko komunikazio-premiei erantzuten die, batik bat programa bereziei: jaialdiak, zikloak edo urteurrenak.

Horretarako, emanean dihardu, 2014ko datu hauek adierazten duten bezala:

• 201 prentsaurreko.
• 38 literatur aurkezpen.
• 3.820 agerraldi inguru idatzizko komunikabideetan.
• 250 dosier gaikako.
• 270 programa (gonbidapenak, liburuxkak, kartelak…).
• 303 prentsa-ohar.
• 290 iragarki prentsa idatzian.
• 60 e.boletin bazkideentzat.

Prentsaurrekoan Victoria Eugeniako prentsa aretoan.