Sarrerak
San Sebastián, ciudad de la cultura

Arte Eszenikoak

Aurten sektoreak errealitatera egokitu behar izan du BEZa % 21ra igotzeak egin dion kaltearen ondoren, eta hala, Arte Eszenikoek etorkizunari begira gainditu dute 2013. urtea, jendearen erantzunak lagundurik.

Dantzan, Malandain Ballet Biarritz-ek Cendrillon estreinatu zuen, eta, horri esker, jarduera paralelo asko jarri ziren martxan, oso modu aberasgarrian jarri ere. Aipa dezagun, halaber, Kukai taldearen Komunikazioa-inkomunikazioa, konpainia hori lehen mailakoen artean sendotu duen ikuskizuna. Ezin ahaztuko dugu Dantzaz, talentu gazteak sustatzeko konpainia, zeinak Kameleoia estreinatu baitzuen. Ezta Beijing Ballet, Lafeuille Dance eta beste konpainia batzuk ere, edo Gesc Gelabert, Sol Pico, Philippe Lafeuille eta beste hainbat koreografo izen handiko.

 

aaee ertzasmall
N.A.N. Ertza
aaee egia gbravo apache gazteszena08 small
Apache, Hors Serie

 

Antzerkian, lilura sortu zuen Juan Diego Bottoren Un trozo invisible de este mundo lanak, eta gauza handia izan zen, halaber, Alfonso Sastreren Lluvia de ángeles sobre París testua, Antonio Malondak zuzendua. Donostiako udak eutsi egin zien sortutako itxaropenei, eta agertoki gainean ikusi genituen Juan Echanove, Eva Hache, María Galiana, Amparo Larrañaga, Fernando Tejero, Juan Diego, Karra Elejalde... De ratones y hombres ere hitzordu nabarmena izan zen antzerkian; Miguel del Arcok zuzendua, Roberto Alamo zelarik aktore talde zabal eta hauta baten buru. Nola ahaztu Los hijos se han dormido, Txekhoven Kaioan oinarritua, Daniel Veroneseren zuzendaritzapean. Zale asko erakarri zituen Teatro de los Andes-ek ere, Hamlet de los Andes aurkeztu baitzuen, nortasun eta proposamen nabarmeneko Hamlet andetar bat. Azkenik, gure aitormena Esta noche no estoy para nadie ikuskizunari, urteko antzerki musikal onenaren saria jaso baitzuen. Donostia Kulturaren lau antzokiek (Victoria Eugenia, Antzoki Zaharra, Gazteszena eta Imanol Lartzabal) 402 funtzio baino gehiago programatu zituzten guztira, antzerkia eta dantza, eta 99.668 ikusle baino gehiago bildu zituzten*.

Gainera, 2013an Eskolatik antzerkira programaren edizio berri bat egin genuen Arte Eszenikoak txikienen artean sustatzeko, ikastetxeen lankidetza izanda. Donostiako 5.364 neska-mutil pasatu ziren bertatik, helburua arte eszenikoetara hurbiltzea eta sentiberatzea izanik.

 

 

dferia2013 return- argazkia gorka bravo egia moztuta small
Return, Losdedae

Euskarazko antzerki-proposamenen artean emateko saririk handiena, Donostia Antzerki Saria, Publikoari gorroto ikuskizunarentzat izan zen; Manex Fuchs-ek zuzendua eta Ander Lipusek jokatua.

Jaialdiei dagokienez, dFERIA 2013k "...eraikitzen..." izan zuen gaia, eta 31 funtzio eskaini zituen hiriko antzeztokietan. 7.000 ikus-entzuletik gora, 301 profesional akreditatu, eta salmentek 7,5 aldiz handitu zutelarik dFERIAren aurrekontua, 200.000 € ingurukoa. Edizio honetan, ARTEZ ere lankide izan genuen dFERIAren programa egiten eta hedatzen. Poltsiko Antzerki Jaialdiak 2.000 ikus-entzule baino gehiago erakarri zituen 27 emanaldietara.

Azkenik, nabarmentzekoa Biarritz eta Baionarekiko lankidetza; Biarritzekin, Koreografia Zentroaren bitartez, eta Baionarekin, berriz, Scène Nationaleren bitartez; biei esker, Arte Eszenikoetara hurbiltzeko eta sentiberatzeko jarduera orotarikoak eskaintzen zaizkie interesa dutenei, eta horrek ikus-entzule jakitunago eta sentiberagoak sortuko ditu.

Euskararen presentzia zaindu eta emendatu dugu programazioan, Euskararen Udal Zerbitzuarekin lankidetzan, eta arreta berezia eskaini diogu dantza garaikideari gure agertokietan, batez ere Egiako Gazteszena aretoan, eta, formatu txikiagoan, baita Lugaritzeko Imanol Larzabal aretoan ere. Baina, batez ere, lortu dugu antzerki- eta dantza-muntaketa handiekin batera beste txikiago batzuk ere izatea, bere txikian interesgarriak gertatu baitira gizarte-, giza edota poesia-edukien aldetik. Euskal ekoizpenik onenak pasatu dira Donostiako agertokietatik, bai eta espainiar eszenako izen handiak eta nazioarteko konpainia garrantzitsuak ere. Gainera, leihotxo bat ireki dugu Latinoamerikara begiratzeko.

Nabarmentzekoak, halaber, haurrei zuzenduriko bost programazio egonkorrak, Victoria Eugenia eta Antzoki Zaharrean eta Imanol Lartzabal, Gazteszena eta Altzako aretoetan.

 

 

Antzerkia eta Dantza
 LanakEmanldiakIkusleakGazte ordua
Teatro
Neguko Antzerkia
Antzerki Profesionala Euskeraz 13 22 4.424 164
Antzerki Profesionala Gazteleraz 29 44 10.687 331
Haurrentzako Antzerkia Euskaraz 14 16 2.079
Victoria Eugenia Club 3 6 593
Antzerki Amaterurra Euskaraz 18 18 2.528
Antzerki Amateurra Gazteleraz 16 16 1.462
Eskolatik Antzerkira 5 25 5.682
Kale Antzerkia Euskaraz
9 9 710
Kale Antzerkia Gazteleraz
3 3 710
Neguko Antzerkia GUZTIRA
110 159 31.685
495
 
Udako Antzerkia
Antzerki Profesionala Euskaraz 3 11 1.778 143
Antzerki Profesionala Gazteleraz 13 62 23.667 898
Victoria Eugenia Club Euskaraz 2 9 787  99
Udako Antzerkia GUZTIRA
18 82 26.232 1.140
Dantza

Dantza Profesionala 58 66 16.123 239
Victoria Eugenia Club 6 7 547
Dantza GUZTIRA
64 73 16.670
 
Lirika 5 8 3.586 36
Lirika GUZTIRA
5 8 3.586 36
Musikala 1 2 9.870
Musikala Guztira
1 2 9.870
Jaialdiak
dFERIA 27 29 6.898
Poltsiko Antzerkia 13 27 1.959
Gazte Antzerkia 16 16 1.513
Jaialdiak GUZTIRA
56 72 10.370

Beste Jarduera Batzuk
DANZTA
34 130 9.435
ANTZERKIA
5 6 240
GUZTIRA
39 136 9.675