• Harremanetarako

• es
• fr
• en

2013an, finkatu egin da 2012an hasitako proiektuaren martxa, eta bilakaera nabaria izan du.

Bilakaera hori, batetik, auzoaren eta bertako elkarteen beharrei erantzuteak ekarri du, eta bestetik zerbitzuak hobetzeak. Gainera, arreta are bereziagoa eskaini zaio euskarari gure jardueren funtsezko ardatz den aldetik.

Zerbait azpimarratzen hasita, arte-sorkuntzaren eremuan, OTSO!. proiektuan parte hartu genuen EKE,, Theatre des Chimeres eta Donostia 2016ekin batera, balio jakin batzuk lantzeko auzoko bi ikastetxetako (Jakintza eta Larramendi) 4 eta 6 urte arteko ikasleekin. Proiektua oso interesantea izan zen; sorkuntzaren aldetik ez ezik, alderdi pedagogikotik.

Ikastetxeotako haurrek parte hartu zuten eta arte-sorkuntzaren lekuko izan ziren. Cía de Teatrok dosier pedagogiko batzuk prestatu zituen ikasleek ikastetxeetan lan zitzaten gero eskaini ziren emanaldietara etorri aurretik.

Konpainia horrek 15 eguneko egonaldia egin zuen Lugaritz Kultur Etxean.

Gure programazioari dagokionez, eta arte eszenikoetan espezializaturiko zentroa garen aldetik, antzerkia eta musika dira gure arloak.

Antzerkian, formatu txiki eta ertaineko antzerkiaren aldeko apustuan jarraitzen dugu, antzerki berritzaile, garaikide, abangoardista eta esperimentala bultzatu nahian, eta, ahal dugun heinean, euskarazko produkzioak izaten ditugu –Metrokoadroka Kolektiboa: POZA ZERGATIK, DANTZATZEN DUTE BOSNIARREK, , Cocina: CALLA Y COME- bilbotarrak– alde batera utzi gabe programazio askotariko, orekatu eta kalitatezkoa eskaintzea gure ikus-entzuleei. Horregatik, programazioan sartu ziren Yllanak Far West lanean ageri izan zuen umorea, Zanguango arabarren Aquí va a pasar algo, edo Teatro A Cuestas konpainiaren Locas, non emakumeak jasaten dituen genero-arazoei buruzko mezuak eman baitziren.

Ezin ahaztu antzerki-talde amateurren alde egiten den apustua, batez ere bertako taldeen alde, lehentasuna emanez euskarazko lanei, bai gazteenentzat eta bai helduenentzat.: Emakume Ausartak, Kemen, Tgorrieta, Gazte Antzerki Topaketa, Zurriola Antzerki Eskola...Oroimenak (ONCE).

Beste batzuetan bezala, 2013an ere kalera irten gara Kale Antzerkia eta Poltsiko Antzerkia programekin. Emanaldien % 90 euskaraz izan ziren, eta ikus-entzule asko etorri ziren.

Haurrentzako antzerkian, dena euskaraz programatzen jarraitu dugu, lan bat izan ezik, testurik gabea baitzen. Adibide bat ematearren: Izar eta Zeneida lanaren bidez, arrazakeriaren kontra eta pertsonen berdintasunaren alde egiten den lana erakutsi nahi izan genien haurrei.

 

Musikaren arloan, euskal musikaren ildotik jarraitu dugu, batez ere folka eskainiz. Azpimarratzekoa talde gazteen diskoen aurkezpenak, hala nola Napoka Iriaena, edo Joseba Tapia talde klasikoarena; harrera ona izan zuten bi-biek jendearen aldetik. Musikari gazteenak bultzatzen jarraitu dugu Donostikluba programaren barruan: Sara Grajal, Jane Joyd...

Horrez gainera, Musikeneko Big Banda ere izan dugu gure artean, ohi bezala, bai eta Donostia Bertsotan ere. 2013an bertsolari talde nabarmena izan genuen, eta bikain aritu ziren.

Erakusketen arloan, Lugaritzek areto txikia du, etengabeko aldaketa eta bilakaera duena. Autore gazteak erakartzen saiatzen gara. Aurreko urteetan bezala, saiatu gara emakume autoreen eskaintza kontuan hartzen. Zortzi erakusketatatik, lau emakumeenak izan ziren.

Literaturari dagokionez, Literatura eta Kafea literatur solasaldiak jarraipena izan du; landutako obra guztiak euskarazkoak izan dira. Solasaldien arduraduna emakumea da, parte-hartzaile asko bezala.

2013an, Imanol Oroituzen 9. edizioa egin zen; Joxerra Garziaren hitzaldi bat izan genuen, "Bertsolariak eta bardoak" izenburukoa. Oso interesgarria gertatu zen, eta jendeak harrera ona egin zion.

Liburutegiak lankidetzan jarraitzen du Ikertze – Lugaritz ipuin-leihaketarekin. Auzoko haurrek aktiboki hartzen dute parte, beren ipuinak aurkeztuz euskaraz.

2013an XII. edizioa egin zen.

Bestalde, erabiltzaile-kopuruak behera egin du, baina liburutegirako bisita gidatuen kopuruak bere horretan iraun du.

2013an modu bereziak ospatu nahi izan genuen Liburuaren eguna: Joseba Sarrionandiaren Idazlea zeu zara lana antzerki bihurtuz; arrakasta handiz, interes handia piztu baitzuen.

Ipuinaren ordua programak arrakastaz jarraitzen du. Nabarmentzekoa kontatzen diren ipuin guztiak euskaraz kontatzen direla, eta bi adin-tarteko haurrei eskaintzen zaizkiela: 2 eta 4 urte artekoei, eta 5 eta 7 urte artekoei. Langai izaten diren ipuinek zerikusia dute gaurko gaiekin: berdintasuna, genero-politika...

 

Jarraitzen dugu proiektu komunetan lankidetzan ere: Abesbatzen Astea, dFERIA, Gabonak Zuretzat, Korrika Kulturala, Euskeraren eguna, Olatu Talka... Parte hartze handia izan zen denetan; Kultur Etxeak programazioa auzoaren zerbitzuan eskaintzen duelako seinale.

Ezin ahaztu zein garrantzitsuak diren Kultur Etxeak auzoarekin eta bertako elkarteekin dituen lankidetza eta parte hartzea Mercado. Jarduera esanguratsuak izaten dira Antiguako taldeekin: Antiguotarrak Dantza Taldea, Lorien Dantza Taldea, Erretiratuen Elkarteko jarduerak, Antiguako Pilotazaleok, Artexivu musika eta dantza afrikarreko taldea. Ikasturtean, okupazioa % 95ekoa izaten da, eta inoiz baita % 100ekoa ere. Orobat, elkarteei aretoak uzten zaizkie beren proba-saioak, ikastaroak, topaketak eta abar egin ditzaten, hala Merkatuan bertan nola Kultur Etxean; esate baterako, Jakintza Musika Eskolari.

Bestalde, harreman estua dugu auzoko beste elkarte batzuekin ere; esate baterako, Ikertzerekin, zenbait programatan parte hartuz: Ikertze – Lugaritz Ipuin Lehiaketa, Otso! Programa, eta abar.

Eskainitako ikastaroei dagokienez, % 72 euskaraz eta % 28 gaztelaniaz izan ziren, hau da, 31 ikastaro gaztelaniaz eta 21 euskaraz. Aurreko urtearekin konparatuta, ikus daiteke euskarazkoek zerbait gora egin zutela. Azpimarratzekoa zenbat ikastaro ematen diren Ibaeta auzoan.

Jarraitzen dugu lankidetzan Cristina Enea Fundazioarekin, Etxekolanda programaren barruan, Baratza zure balkoian ikastaroa eta beste eskainiz, bai helduei eta bai Lugaritzen inguruko ikastetxeetako ikasleei.

Berritasun gisa, 2013an autore-ikastaroak izan ditugu, arte eszenikoen eremukoak. Egundoko arrakasta izan dute, bai edukiaren aldetik, bai izena eman dutenen kopuruaren aldetik. Aktorearen dramaturgia eman zuen Ander Lipusek, euskaraz, eta parte hartzaileen % 95 emakumeak izan ziren.

+ 55, Gazteleku – Haurtxoko eta KZ Gunea zerbitzuek aurrera segitzen dute. Oro har, jarduera gutxiago izan dira, aurrekontua gutxitzearen ondorioz, baina gehienek, batez ere Gazteleku – Haurtxokok, oso harreran ona izan dute.

 

JARDUERAK 

                                                                                                                                                                 Kopurua           Erabiltzaileak

Antzerkia                                                                                                                                                           48                      5877

Dantza                                                                                                                                                               11                        771

Zinea                                                                                                                                                                   1                          88

Bideoa                                                                                                                                                              12                         461

Musika                                                                                                                                                              12                      3.184

Hitzaldiak                                                                                                                                                            8                         308

Ikastaroak eta tailerrak                                                                                                                                  20                         297

Erakusketak                                                                                                                                                     12                   15.750

Elkarteen bilerak eta jarduerak                                                                                                                    85                      1.028

Aretoen alokairuak                                                                                                                                            2                         225

Liburutegiko jarduerak                                                                                                                                   43                         717

Besteak                                                                                                                                                             41                      2.547

GUZTIRA                                                                                                                                                         295                    31.353

 

ZERBITZUAK    

                                                                                                                                                                   Kopurua             Erabiltzaileak

Liburutegiko bisitak                                                                                                                                                                  44.555

Haurtxokoa (jarduerak)                                                                                                                                  14                        1.431

Gaztelekua (jarduerak)                                                                                                                                  40                        1.505

Plus 55 (jarduerak)                                                                                                                                         52                        2.078

Kzgunea (erabilerak)                                                                                                                                                                   4.231

GUZTIRA                                                                                                                                                          106                        53.800

 

PRESTAKUNTZA EMAKUMEAK

                                                                                   Guztiak                                 Euskara                                   Gaztelera

                                                                 Kopurua     Erabiltzaileak          Kopurua     Erabiltzaileak        Kopurua     Erabiltzaileak

2012/2013 Ikastaroak                                  3                    26                              3                    26                 

2013/2014 Ikastaroak                                19                 173                               9                    70                        10                   103

Ikastaro puntualak 2013                              2                   17                               1                       8                          1                       9

Kzgune ikastaroak                                      68                 179

GUZTIRA                                                        92                 395                            10                     78                        14                  138

 PRESTAKUNTZA GIZONAK                                  

                                                                                  Guztiak                                        Euskara                                   Gaztelera

                                                                Kopurua     Erabiltzaileak       Kopurua    Erabiltzaileak       Kopurua         Erabiltzaileak

2012/2013 Ikataroak                                     3                   15                                                                                   3                         15

2013/2014 Ikastaroak                                 19                   53                            9                       33                       10                        20

Ikastaro puntualak 2013                               2                      8                            1                         2                          1                          6

Kzgune ikastaroak                                       68                  177

GUZTIRA                                                         92                  253                          10                      35                       14                        41

                                                                GUZTIRA (BISITARIAK)      99.095