• Harremanetarako

• es
• fr
• en

Donostia Kulturako zehar-planak

• Euskararen Erabileraren Plan Berezia: 2018an, Euskararen Erabilera Normalizatzeko Planaren plangintzako 5. aldiaren ebaluazioa egin da, eta plangintzako 6. aldiari dagokion plana prestatu da.
• Emakumeen eta Gizonen arteko Berdintasunerako I. Plana: 2018an, plan horren ebaluazioa egin da, 2019an plan berria prestatu eta ontzat emateko.

Nazioarteratzea, irakatsi eta jaitsi

Erakundea kide den Europako sareetan izan da aurten ere: Beste Hitzak-Other Words egitasmoaren liderra izanik, urteroko bileretako kudeaketa burutu du Donostia Kulturak. Egitasmoaren indartze aldera, Eskoziako Skye Irlako Sabhal Mor Ostaig Unibertsitatearekin elkarlan-bideak zabaldu dira eta bertan zein Ipar Irlandan hainbat ekitaldietan esku hartu dugu

Beste Hitzak egitasmoak urte sendoa izan du, inoiz baino idazle-egonaldi gehiago burutu da hori guztia Donostia Kulturaren ardura izan da. Donostia Kulturako ekimenari esker, Karibean dagoen Curacao uharteko idazle batek Belfasten egin du egonaldia eta horrek guztiak sarea indartzeko aukeren berri ematen du

Europako Kultur Hiriburutzako Sareak egin dituen bileretan ere esku hartu dugu. 2019an hiriburu izango diren Italiako Matera eta Bulgariako Plovdiv hiriekin ere harremanak izan dira, 2019ri begira.

LIKE erakundean antolatutako egitasmoetan ere partaide izan da Donostia Kultura eta 2019-2021 aldirako zehaztutako ildo estrategikoan ere ekarpenak egingo ditu

Kanpoko bisitak ere ugaritu dira eta alde horretatik nabarmendu behar dira lehenagotik hasitako eta aurten ere segida izan duten unibertsitateko ikasleenak.

Donostia Kultura ECOC (European Capitals of Culture) eta LIKE sareen kide da eta urteko antolatzen diren bileretan parte hartzen du.

 Memoria jaitsi: Egitura eta balantze ekonomikoa