Mende berria kantuz: Bilboko Koral Elkarteko Euskeria Korua & Orfeoi Gaztea

Lauko Quartet
Enrike Txurruka (moldaketak eta teklatua), Mikel Bikandi (gitarra), Mikel Azkargorta (baxua), Guillermo Sanz (bateria)

Urko Sangroniz (Euskeria abesbatzako zuzendaria), Esteban Urzelai (Orfeoi Gazteko zuzendaria), Maddalen Arzallus (bertsolaria)

Euskaltzaindiaren mendeurrena ospatzeko, kontzertu berezia prestatu dute Bilboko Koral Elkarteko Euskeria Koruak eta Orfeoi Gazteak. Mendeurrena aitzaki hartuta, ehun abeslari gazte eszenatokira igoko dira ehun urteak ospatu eta etorkizuna indarberrituta hasteko, euskal musikako talde eta abeslari famatuenen lanak abestuz. Bertsio koralak, laukote instrumental baten laguntzarekin, eta publikoaren parte hartzearekin batera, Mende berria kantuz honen ardatzetariko bat. Ilargia, Gaztelugatxe, Euritan dantzan, Baga biga... eta beste asko entzun eta kantatzeko aukera izango dugu.