Berriak - Kultur Etxeak

Datorren astelehenetik aurrera, urriak 2, Donostiak Kulturako liburutegi sarean irakurketaren zaletasuna baino haratago doazen bi jarduera abiatuko dira ikasturte honetan: Liburu Baby Kluba eta Ipuinaren Ordua.

Hamaika entzuteko! irrati-piezen lehiaketarekin irrati-pieza labur eta originalen ekoizpena eta hedapena bultzatzea dute helburu Casares Irratiak eta Donostia Kulturak. Lanak aurkezteko epea irekita dago, eta azaroaren 30a izango da azken eguna.

Larrotxene Kultur Etxeak, Donostia Kulturako guneak, Bideoaldia erabili izan du urtez urte zine eta bideo ikastaroetako emaitzak jendaurrean ezagutarazteko (aurtengoa 29. edizioa da). Zinemaldiaren barruan, irailaren 28an, iluntzeko 20:30ean, Trueba 2 zineman erakutsiko da aurtengo aukeraketa.

Eneko Goia, Donostiako alkateak, eta Jokin Aperribay, Real Sociedad Fundazioaren presidenteak, Donostia Kulturak eta Real Sociedad Fundazioak adostu duten elkarlana aurkeztu dute gaur: Korner-Kultura & Futbol Festibala. Korner-en lehen edizioa 2018ko otsailaren 19tik 24ra egingo da eta Ernest Lluch Kultur Etxean izango du egoitza, Anoetako Estadioan.

2017-2018 ikasturtean kultur etxeetan eskainiko diren ikastaroak aurkeztu ditu Donostia Kulturak gaur goizean, hilak 11, egindako agerraldian. Ikastaroen matrikulazioa 2017ko irailaren 12tik 26ra bitartean egiteko aukera izango da, edozein kultur etxetan zein Donostia Kulturaren webgunean.

Poltsiko Antzerkiaren alorrean euskarazko sorkuntzak bultzatzeko VIII. Proiektu Deialdia jarri da martxan. Proiektuak aurkezteko epea 2017ko uztailaren 3an abiatuko da eta irailaren 28an amaituko da. Aurten bi diru-laguntza eskainiko dira: irabazleak 4.000 euro jasoko ditu; finalistak, berriz, 3.200 euro.

Larrotxene Kultur Etxeak, Donostia Kulturako guneak, Bideoaldia erabili izan du zine eta bideo ikastaroetako emaitzak jendaurrean ezagutarazteko. 29 urte betetzen dituen Bideoaldia honetan, 14 lan ikusteko aukera izango dugu Antzoki Zaharrean ekainaren 30ean, iluntzeko 20:00etan. Sarrera doakoa izango da, baina gonbidapenak antzokiko leihatilan jaso beharko dira 30ean, arratsaldeko 17:00etatik aurrera.

San Joan bezpera dela eta, gaur, ekainaren 21ean, Festa Jardueretako zinegotzi ordezkariak, Alfonso Gurpegik, gure hirian ospatuko diren jarduerak aurkeztu ditu.

Hain zuzen ere, datorren ostiralean, ekainaren 23an, arratsaldeko 19:00ean Konstituzio plazan ospatuko den Agintarien Esku Dantza eta hiriko auzo desberdinetan piztuko diren San Joan suen aurkezpena egin du.

Albiste honetan Donostia Kulturako guneen udako ordutegiak bildu ditugu. Kontrakoa esaten ez den bitartean, ordutegi hori ekainaren 26tik irailaren 6ra izango da, biak barne.

Maiatzaren 9, 16, 23 eta 28an German Arrien Slow Food jardunaldiak egingo dira Gastronomiazko Euskal Anaiartea, Errioxa Jatorri-Deitura eta Donostia Kulturak antolatuta eta hainbat adituk hartuko dute parte. Lehen hiru jarduerak Ernest Lluch Kultur Etxean egingo dira, iluntzeko 19:30ean. 28ko master class–dastaketa, berriz, Askatuak Elkartearen egoitzan egingo da (Anoeta pas., 22), eguerdiko 12:00etan.